ہری پور۔ 15جون (اے پی پی) بنجائی وزیر اقتصادی امور عمرایوب خان 2ارب 53کروڑ روپئی نا بھلو فنڈنگ اسے آن کلنجر نا ہند آ بجلی و سوئی گیس انا میگا ڈٹ آتا بناءِ 20جون آ کیک۔ بنائی دود انا بابت سے شنبے نادے آ سلابتی دیوان اس اڈ ہلک ہراٹی علاقہ نا سرکڑدہ غاک بھلو کچ اسے ٹی بشخ ہلکر۔ دیوان اٹی خصوصی سلہ غا بنجائی وزیر نا سیکرٹری نعیم خان ہم ساڑی ئس۔ دیوان اٹی انتظامی امور نا بابت سرجم گپ وتران کننگا۔ بنجائی وزیر اقتصادی امورعمرایوب خان 20جون یک شنبے نادے آ کلنجر نا ہند آ 2ارب 50کروڑ روپئی نا بھلو فنڈنگ اسے آن سوئی گیس فراوانی و مسہ کروڑ روپئی نا بھلو خڑچ اسے آن صوابی میرا فیڈرنا پوروی نا بناءِ کیک۔
