کراچی۔ 15جون (اے پی پی) گورنر سندھ عمران اسماعیل تون کراچی ٹی پوسکن تعینات ایرانی قونصل جنرل حسن نوریان گورنرہاؤس اٹی اوڑدہی کرے۔ گورنر ہاؤس آن سے شنبے نادے آ جاری کروک اعلامیہ نارداٹ اوڑدہی ٹی تین پہ تینی است خواہی نا باندات آ گپ وتران کننگا۔ گورنر سندھ پارے کہ پاکستان و ایران اِراہمسایہ مسلم ملک ءُ و اوفتا جغرافیائی وڑاٹ ہم بھازاہمیت ءِ۔ گورنر سندھ ہڑتوم آ ملک آتا نیام اٹ دودوربیدگی و معاشرتی تعلقداری تے پین مون آ دننگ نا گرج ءِ مون آ تخا۔ اومستی پارے کہ پاکستان اٹ زرکاری نا گچین وارخواہی ارے ہنداخاطرآن ہڑتوم آ ملک آتا نیام اٹ ہڑتوم آ کنڈآتا واپار، زرکاری و زرگزرانی کمکاری ءِ مون آ دننگ کن پین گام گیج آتا گرج ءِ۔ کراچی ٹی پوسکن تعینات ایرانی قونصل جنرل حسن نوریان پارے کہ ہڑتوم آ ملک آک عظیم تاریخی و مذہبی رشتہ غاتے ٹی تفوک ءُ و پاکستان تون تعلقداری تین پہ تینی شرف و خلوص نا نتیجہ ءِ۔
