کراچی۔ 15جون (اے پی پی) جوائنٹ اپوزیشن سندھ اسمبلی ٹی بجٹ نا برخلاف سے شنبے نا دے آ برانز کرے و ریلی نا دروشم اٹ اسمبلی گیٹ آ سرمس۔ داوخت آ اپوزیشن نا کنڈآن سندھ حکومت نا برخلاف نعرہ ہم خلنگا۔ پاکستان تحریک انصاف (پی ٹی آئی) نا مرکزی راہشون و اپوزیشن لیڈر سندھ اسمبلی حلیم عادل شیخ پارے کہ دابجٹ ہم اومنی نا منشی پیش کیک، یونس میمن ءِ نوارفنگ کن بجٹ ءِ ودفنگ انگ ءِ۔ ایم کیو ایم پاکستان نا باسک سندھ اسمبلی کنور نوید جمیل پارے کہ سندھ انا بجٹ اٹ الس ءِ ہچ ءُ ریلیف اس اف، دابجٹ بیرہ حساب وکتاب نا ہیرپھیر ءِ۔ پاکستان تحریک انصاف، ایم کیو ایم پاکستان وایلو جوائنٹ اپوزیشن نا جماعت آتا باسک آک سندھ اسمبلی بجٹ سیشن آن مست سندھ اسمبلی نا مین گیٹ انا مون آ زبردست برانز کریر و نعرہ خلکر۔ اوفک پلے کارڈ ہرفیسر ہرافتیا”مچ آ بجٹ ءِ کنگر“ کراچی ءِ کچراکنڈی اس کریر“ خورک ڈبہ غاتا پکار، دیرایتبو اسہ وار“ گوکرپشن گو“ و ایلونعرہ غاک نوشتہ ئسر۔
