کراچی۔ 15جون (اے پی پی) وزیراعلیٰ سندھ سید مراد علی شاہ نا کماشی ٹی سندھ کابینہ نا دیوان سے شنبے نادے آ وزیراعلیٰ ہاؤس اٹی اڈتننگا۔ جاری کروک اعلامیہ نا رداٹ دیوان اٹی صوبائی وزیر آک، سلاہکارک، چیف سیکرٹری و تعلقدار آفیسرآک ساڑی ئسر۔ دیوان اٹی سجفنگ آن پد مالی سال 2021-22کن 14کھرب، 77ارب روپئی نا شونداری بجٹ نا منظوری ءِ تننگا۔ وزیراعلیٰ سندھ پوسکن آ مالی سال انا ڈیمانڈز فار گرانٹس و سپلیمینٹری گرانٹ آتیا دستخط کرسا منظوری تس۔ دیوان اٹی پلاننگ ڈیپارٹمنٹ بروک آ مالی سال انا اے ڈی پی نا بابت حوال تس وخت اس کہ سینئر ممبر بورڈ آف ریونیو علم الدین بلو، سیکرٹری فنانس حسن نقوی، چیئرمین ایس بی آر خالد محمود، سیکرٹری ایکسائز حلیم شیخ ئسک ہم ریونیو کلیکشن نا بابت حوال تسر۔
