اسلام آباد۔ 15جون (اے پی پی) وزیراعظم نا خصوصی کمکار امور نوجوانان عثمان ڈار پارینے کہ سیالکوٹ اٹی 20ارب روپئی نا خڑچ آن 5میگاپروجیکٹ آتیا کاریم برجاءِ، ہرشونداری ڈٹ آ علاقہ نا شرفمند آ خراج تروک آ پن انا تختی خلنگ انگ ءِ۔ سے شنبے نادے آ جاری بیان نا رداٹ وزیراعظم نا خصوصی کمکار عثمان ڈار نا کنڈآن شونداری ڈٹ آتے خراج تروک آتا پن اٹ کننگ نا یکتا مہم برجاءِ۔ سیالکوٹ اٹی 14کروڑ روپئی نا خڑچ آن بناکروک آ اسہ پین ڈٹ اس خراج پیئر نا پن، کلین گرین سیالکوٹ نا رداٹ شار انا پوسکن آ سیوریج سسٹم نا بنداو ءِ تخنگا، بنداو ءِ شار انا غٹ آن زیات خراج تروک آ شاری اٹ تخفنگا، ڈٹ آ سیاسی راہشون تا جاگہ غا غٹ آن زیات خراج تروک آتا پن نوشتہ ءِ۔ خصوصی کمکار عثمان ڈار شار انا شونداری ڈٹ آتیا تینا پن ءِ نوشتہ کپننگ نا پڑو کرینے۔ وزیراعظم نا خصوصی کمکار عثمان ڈار پارے کہ شار اٹی 20ارب روپئی نا خڑچ آن 5میگاپروجیکٹ آتیاکاریم برجاءِ، وپارے کہ کنوئی آ ساف دیر، سیوریج سسٹم، گرین پارک، ٹریفک ری انجینئرنگ و شارانا ماسٹر پلاننگ آ کاریم مننگ ءِ، ہرشونداری ڈٹ آ علاقہ نا شرفمند آ خراج پیئرآتا پن انا تختی خلنگ انگ ءِ۔ عثمان ڈار پارے کہ ایشین ڈویلپمنٹ بینک، وزیراعلیٰ پنجاب و وزیراعظم عمران خان نا خصوصی وڑاٹ منت وار اُٹ۔ سیالکوٹ نا شاریک ہرسال 10ارب روپئی نا خراج قومی خزانہ ٹی جمع کرفنگ ءُ۔ اوپارے کہ سیاست دان تا کنڈآن شونداری ڈٹ آتے تینا خاہوت نا پن اٹ کننگ نا روایت چٹفینے۔ اوپارے کہ الس نا پیسہ غاتیان تینا جند انا و خاہوتی سیاست نا تشہیر ءِ کپرہ داسہ 20ارب روپئی نا خڑچ آن برجاہرپروجیکٹ آ الس نا پن انا تختی مریک۔
