اسلام آباد۔15جون (اے پی پی): مزن وزیر ءِ ھاسیں کمکار برائے ورنا آنی کار عثمان ڈار ءَ گوشت کہ سیالکوٹ ءَ 20 ارب کلدار ءِ کساس ءَ چہ 5 میگاپراجیکٹس ءِ سر ءَ کار جاڑی انت، ھمک رنگیں دیمروئی منصوبگ آنی سر ءَ دمگ ءِ شرپ مندیں ٹیکس دیوک آنی نام ءِ تختی جنگ بوھگ ءَ انت۔ سئے شمبے ءَ جاڑی بوتگیں بیان ءِ رد ءَ مزن وزیر ءِ ھاسیں کمکار عثمان ڈار ءِ نیمگ ءَ دیمروئی منصوبگ ءَ را ٹیکس دیوک آنی نام ءَ چہ جتائیں گامگیج ءِ سہرا کت۔ سیالکوٹ ءَ 14 کروڑ کلدار ءَ چہ بندات بوھوکیں یک دگہ منصوبگ ءِ ٹیکس پیئر ءِ نام ، کلین گرین سیالکوٹ ءِ چیر دستی ءَ شہر ءِ نوکیں سیوریج سسٹم ءِ بن ھشت ایر کت، بن ھشت شہر ءِ درستاں چہ مستریں گیش ٹیکس دیوکیں شہری آنی نام ءَ ایر کتگ، منصوبگ ءِ سر ءَ سیاسی سروک آنی مٹ ءَ درستاں چہ گیش ٹیکس دیوک آنی نام درج انت۔
