اسلام آباد۔15جون (اے پی پی): بنجاھی وزیر تہی کار شیخ رشید احمد ءَ سےے شمبے ءَ سیف سٹی ھیڈ کوارٹر ءِ تر ءُ تاب کت ءُ مزن وزیر عمران خان ءِ تر ءُ تاب ءِ ھوالگ ءَ انتظامی آنی چار ءُ تپاسی گپت۔ وزارت ءِ تہی کار ءِ نیمگ ءَ جاڑی بوتگیں بیان ءِ رد ءَ وزیر ءِ تہی کار ءَ آئی جی پولیس اپسرگ ءَ را مزن وزیر ءِ تر ءُ تاب ءِ ھوالگ ءَ المی ایں پنت ءُ شون کت۔ بیان ءِ رد ءَ مزن وزیر عمران خان مرچی چار شمبے سیف سٹی ھیڈ کوارٹر ءِ تر ءُ تاب 100 موٹرسائیکل سوار آنی ایگل اسکواڈ ءِ بنگیج ءَ کنت۔ مزن وزیر عمران خان ءِ سیف سٹی ھیڈ کوارٹر اسلام آباد ءِ تر ءُ تاب ءِ موہ ءَ وزیر ءِ تہی کار شیخ رشید احمد سیف سٹی منصوبگ ءِ پراھ ءُ شاھیگانی ءِ ھوالگ ءَ بریفنگ دنت انت۔ ایگل اسکواڈ بنجاھی دارالحکومت ءَ پٹرولینگ ءَ ڈیوٹی دینت۔ اسلام آباد ءِ سیکورٹی ءَ را گیش کنگ ءِ واستہ ایگل سکواڈ ءِ سر ءَ سی 30 کروڑ کلدار ھرچ ءُ درچ اتکگ۔
