اسلام آباد۔ 14جون (اے پی پی) پاک بحریہ نا جہاز پی این ایس سیف اطالوی بحری جہاز ITS CARABINIEREتون اوار خلیج عدن اٹ بحری مشق اٹ بشخ ہلک۔ دامشق انا مسخت ہڑتوم آ بحری فوج آتا نیام اٹ تین پہ تینی آپریشن تا کچ ءِ ودفنگ و تعلقداری تے سوگو کننگ ئس۔ مشق آتے ٹی میری ٹائم آپریشنز، کراس ڈیک لینڈنگ و ایلو سرجزآک اوار ئسر ہرافتیان جہاز آ ساڑی عملہ نا کسبی لائخی تیٹی ودکی اتون ڈیہہ ٹی تعینات جہاز آتا نیام اٹ کمکاری ءِ مون آ دننگ دوئی مریک۔ پاک بحریہ نا ترجمان نا رداٹ پی این ایس سیف خلیج عدن و قطبی بحیرہ عرب اٹ ریجنل میری ٹائم سیکورٹی پٹرول کن تعینات ءِ و ڈیہہ نا ملک آتون گچین تعلقداری تا مون آ دننگ کن دقم(عمان) نا دورہ ءِ ہم کیک۔ پاک بحریہ بحرہند اٹ سیکورٹی و امن نا پائیدار قیام کن پدریسہ کوشست کننگ ءِ و پاک بحریہ نا جہاز خلیج عمان، قطبی بحیرہ عرب و خلیج عدن اٹ بحری سیکورٹی آپریشن تیکن پدریسہ تعینات مریک۔ ہڑتوم آ کنڈآتا و کثیر الملکی مشق آتے ٹی پاک بحریہ نا بشخ ہلنگ ڈیہہ ٹی امن، سوگوی و کانود نا عملداری ءِ پک کننگ نا عزم انا ڈیک ءِ۔
