اسلام آباد۔ 14جون (اے پی پی) صدر مملکت ڈاکٹر عارف علوی پٹ وپول و پوسکنی آ مبنی تعلیم نا مون آ دننگ کن گام گیج آتیا زور شاغسا پارینے کہ جامعہ غاک چارمیکو صنعتی انقلاب نا گرج آتار داٹ طالب علم آتے تیار کیر۔ حکومت 50,000طالب علم آتے کن احساس انڈر گریجویٹ اسکالرشپ پروگرام اس درستی راستی کرفے۔ داخیال آتا درشانی ءِ او دوشنبے نادے آ اسہ حوال اسے ٹی کرے۔ صدر عارف علوی ءِ لمز یونیورسٹی نا ریکٹر شاہد حسین یونیورسٹی نا کارکڑد آ حوال تس۔ داوخت آ گپ وتران کرسا صدر مملکت ڈاکٹر عارف علوی پارے کہ جامعہ غاک پٹ وپول و پوسکنی آ مبنی تعلیم نا مون آ دننگ کن گام گیج کیر، جامعہ غاک چارمیکو صنعتی انقلاب نا گرج آتا رداٹ طالب علم آتے تیارکیر۔ اوپارے کہ جامعہ غاک جہانی و قومی کہول آ ایلو جامعہ غاتون شریداری ءِ ودفر، آب اٹ تعلیم نا مون آ دننگ کن ہائیر ایجوکیشن کمیشن و جامعہ غاتا نیام اٹ رابطہ غاتے پین سوگو کننگ نا گرج ءِ۔ صدر مملکت پارے کہ مرمر انگا علاقہ غاتسکان تعلیم ءِ تالان کننگ کن جامعہ غاک تینا آن لائن لائخی تے گچین کیر، حکومت تعلیمی بشخ انا شونداری کن خصوصی گام گیج کننگ ءِ، حکومت 50,000طالب علم آتے کن احساس انڈرگریجویٹ اسکالرشپ پروگرام درستی راستی کرفے۔ صدر مملکت آب اٹ تعلیم نا مون آ دننگ کن لمز یونیورسٹی نا کوشست و خذمت آتا ستاءِ کرے۔
