اسلام آباد۔ 14جون (اے پی پی) بنجائی وزیر حوالکاری و شینکاری چوہدری فواد حسین پارینے کہ شہباز شریف تون بجٹ نا برخلاف ہیت کننگ کن ہچ اس اف، وزیراعظم عمران خان نا سیاسی و زرگزرانی حکمت عملی اوفتے کلین بولڈ کرینے۔ دوشنبے نادے آ تینا ٹویٹ اٹی اوپارے کہ اپوزیشن راہشون حکومت نا زرگزرانی پالیسی تا باہ اٹ تنقید کیک وخت اس کہ اوفتے سماءِ کہ اوفتا تینا جماعت نا مسکوہی وزیر خزانہ نا کمپنی ریکارڈ کٹیاکرے۔ بنجائی وزیر حوالکاری پارے کہ عمران خان پاکستان نا زرگزران ءِ شونداری نا کنڈآ درینے وخت اس کہ پی ڈی ایم نا کٹھارا بس زوال نا ہمو کچہ انگا روڈ آ دڑنگانے ہرانا مون آ ڈیڈ اینڈ نوشتوک ءِ۔ اوپارے کہ وزیراعظم تیل انا نہاد آتے ٹی کمتی کرسا اپوزیشن نا گاڈی کن سیاسی ڈیزل نا تنکی ءِ ودی کرینے۔
