اسلام آباد۔ 13جون (اے پی پی) ملک آ ملک اٹی بنوک آتتون ہیت و گپ کننگ و اوفتسکان رسینگ گیگ دوئی کننگ کن ڈاکٹر ثانیہ نشتر ارٹمی احساس ای کچہری اڈ تس، اوڑتون اوار احساس ٹیم ہم ئسکہ۔ الس تون رابطہ کرسا ڈاکٹر ثانیہ نشتر براہ راست کال کروک آتا سوج آتا ورندی ءِ تس۔ ہرافک اودے مُر مُر آن فون کریر۔ او بنوک آتے احساس پروگرام و گام گیج آتا بابت معلومداری تس۔ احساس ای کچہری ریڈیو پاکستان نا قومی ہک اپ پروگرام رابطہ تون اوار فیس بک، آ ہم نشر کننگاسس۔ کچہری نا وخت آ ڈاکٹر ثانیہ احساس حقدار آتا ویل و گڑتی تے بنگ، اوفتا ہمدردی اٹ راہشونی ءِ کرے و باور کرفے کہ اوفتا باندات آک زوت ایسر مریرہ۔ مخلوق پروگرام اٹی تینا CNIC نمبر تے شیئر کرے و اوفتے دمدستی وڑ اٹ اوفتا بود و زرتس نا حیثیت فراوان کننگا۔
