لاہور۔ 13جون (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ زرگزرانی تحریک آن حکومت تون پیسہ بریک و داپیسہ غاتا دیانت دارانہ کاریم اٹ اتنگ آن ملک شون ہلیک حکومت نا پیش کروک گچین بجٹ آن پد اپوزیشن ءِ چپ اس لگانے ن لیگ بزغرآتے بربادی نا انتہااسکان سرکرے وخت اس کہ کشارگر آک قومی زرگزران اٹ تمبہ نا حیثیت تخرہ، وزیراعظم بزغرآتے کن تاریخی خذمت سرترسا ریلیف پیکج تس چنانچہ گروتھ ریٹ اٹ ریکارڈ ودکی مس داوخت آ پاکستانی زرگزران نا سوگوی نا جہانی مالیاتی ادارہ غاک ہم ستاءِ کننگ ءُ۔ وزیراعظم غریب آتا دڑد تخک ہنداخاطرآن اوفتا راجی آسراتی کن پیسہ خڑچ کننگ ءِ حکومت نا عزم ءِ کہ ملک ءِ وام تا لعنت آن بھاز زوت پاک کننگک دھاندلی نا چٹفنگ کن بروک آ گچین کاریک یقینا الیکٹرونک وونٹنگ مشین نا کمک اٹ مریرہ پیشن نا ملک آتے ٹی رہینگوک آ پاکستانی تے وونٹ انا حق تننگ اسہ قومی ءُ فرض اسے انتئے کہ اوورسیز پاکستانیک پاکستانی زرگزران ءِ سوگو کننگ اٹ شاندار کڑد ادا کیرہ وخت اس کہ اپوزیشن پیشن نا ملک رہینگوک آ پاکستانی تا عمران خان آ پورو پت ءِ ہرسا خارزدہ ءِ ہنداخاطرآن اوفتے وونٹ انا حق تننگ نا کسر اٹ اڑاند ءِ، داخیال آتا درشانی ءِ او وزیراعظم نا خصوصی کمکار سیاسی ابلاغ ڈاکٹر شہباز گل یک شنبے نادے آ پی آئی ڈی آفس اٹ پریس کانفرنس آن تران کرسا کرے۔ اوپارے کہ ہراوائبریشن موڈ آ خلوک ئسر اوداسہ سائلنٹ موڈ آٹو، بجٹ بس و ہنا ولے سائلنٹ موڈ چٹتنے، پیشن نا ملک رہینگوک آ پاکستانی تا است داملک اکن سرک داہمو پاکستانی تے وونٹ انا حق تننگ کن تیار افس، احسن اقبال عرف ارسطو پاہک پیشن نا ملک رہینگوک آ پاکستانی تے سمااف، احسن اقبال پائے ہراتم او مار ءِ امریکہ غان بٹنگسا الیکشن کرفے او داجاگہ نا حالیت آتے چاہسکہ، احسن اقبال زرس حیاکے نن تون دشمنی و سیاست کے اوورسیز آتیان خارکنپ۔ امریکہ تینا اوورسیز آتے وونٹ انا حق تسنے، برازیل، آسٹریلیا، اٹلی۔ یوکے سپین، کوسٹاریکاتون اوار مرغن ءُ لسٹ اسے ہراڑے الیکٹرانک وونٹنگ مسنے۔ گچین کاری تے کٹن یا باایتن گچین کاری الیکٹرانک وونٹنگ آ مریک۔ ننے یا پین کس اسے دھاندلی نا پاروئی تمپک۔
