کراچی۔ 13جون (اے پی پی) پاکستان تحریک انصاف (پی ٹی آئی) نا مرکزی راہشون و سندھ اسمبلی ٹی قائد حزب اختلاف حلیم عادل شیخ پارینے کہ سندھ حکومت نا دیراناکاختی نا بابت دروغ پاش مسنے،م دیر انا باندات ہر بے کنڈ ہلوک انسپکٹر آتا مقرری آ سندھ حکومت انکار کرے۔ میڈیا ڈیپارٹمنٹ پی ٹی آئی کراچی آن یک شنبے نادے آ جاری کروک تینا بیان اٹی اوپارے کہ سندھ حکومت دیر انا بے کنڈہلوک جاست وپاست آن نرنگ نا کسر ءِ اختیار کرے، دیر تقرار معاملہ غا وزیراعظم نا پرمان تیا ٹیم اس ٹہیفنگاسس، 27مئی آ وزیراعظم ویل انا ایسری کن میٹنگ اس بٹنگاسس، وزیراعظم بے کنڈہلوک ٹیم اس جوڑ کننگ نا پرمان کریسس۔ اوپارے کہ 6جون آ ارسا پنجاب و سندھ ءِ تینا نمائندہ مقرر کرسا گدریفنگ نا چھٹی اس نوشتہ کرے، سندھ حکومت دیر انا بے کنڈ ہلوک آ جاست وپاست کن تینا نمائندہ ءِ گدریفنگ آن انکارکریسس۔ سندھ حکومت نا نمائندہ گدریفپننگ پک کیک کہ سندھ حکومت تینٹ دُز ءِ۔ سندھ اٹی دیر انا کمتی نا زموار سندھ انا بااثرمخلوق ءِ۔ حلیم عادل شیخ پارے کہ سندھ اٹی گڈو بیراج نا مون آ دیر ءِ دُزی کننگ انگ ءِ، لس کشارگر آتے دیر تفننگ انگ ءِ۔ سندھ کارڈ اس گوازی کرسا سندھ حکومت خار تالان کننگ نا کوشست کرے، سندھ انا نمائندہ غاتا بشخ ہلپننگ آن سندھ حکومت تینا دُزی آ پڑدہ شاغنگ ءِ۔
