اسلام آباد۔ 12جون (اے پی پی) ماہر خراج امور شبرزیدی پارینے کہ دابجٹ ہربابت آن الس دوست ءُ بجٹ اسے۔ ای دہ پانزدہ سال آن پد پاکستان اٹی مثبت بجٹ اس خنانٹ، داخیال آتا درشانی ءِ او بجٹ آ نجی چینل تون گپ وتران کرسا کرے۔ اوپارے کہ دابجٹ اٹ ہچ ءُ دُن ءُ گڑاس خنتوٹ ہرا تپہ اسے تنک کے۔درو ہرا اکنامک سروے بسوسس دابجٹ ہمو نا ڈیک وداکان گچین زرگزرانی ڈٹ بندی شاید داوڑنا حالیت آتے ٹی ممکن الوکہ۔ اوپارے کہ ای تینا آرٹیکل اٹ نوشتہ کریسٹ کہ پاکستان اٹ خراج ریونیو ہراکان جمع مریک۔ داسہ مخلوق سوج کننگ ءِ کہ اسہ ہزار ارب روپئی خراج ہراکان جمع مریک۔ گمانی امپورٹس 55 ارب ڈالر ءِ ہراتدوک آ سال آن 6آن 7 ارب ڈالر زیات ءِ۔ ہنداخاطرآن حالیت آتے بھاز خراب ہچ ءُ وڑاسے ٹی پاننگ مفک۔ درآمد ات ودفنگ نا خراج خلے تو کم و ود 400آن 500 ارب روپئی ودک۔ اوپارے کہ تدوک آ مالی سال اٹی امپورٹس 50آن شیف ئس ہراجوان ءُ ہیت اسے۔ داسہ 400آن 500ارب ریگولر درآمدآتیا خراج آن بریک۔ حکومت ایس ایم ای ٹیکسیشن نا پوسکن ءُ اسکیم اس درستی راستی کرفینے و ایس ایم ای ٹیکسیشن اٹ خراج ریٹ ءِ کم کرسا 7.5درسد کرینے۔ شبرزیدی نا پاننگ ئس کہ ٹریک اینڈ ٹریس نا نتیجہ غاتا بننگ اٹ وخت لگک۔ بینک آتیا کیش ودہولڈنگ ءِ چٹفنگ ہم سہی ءُ گام اسے۔ ای ہم داکاریم ءِ کننگ نا کوشست کریسٹ ولے ای بے سہب مسوسٹ ولے شوکت ترین صاحب داکاریم ءِ کننگ نا زمواری ءِ ہرفینے۔ ننا ایف بی آر نا عملہ بھاز بدبیسہ مریک دابجٹ آن ہرادے اینو حکومت پیش کرینے۔ اولیکو وار سیلف سسمنٹ ءِ سہی کرینے و دابجٹ اٹ ہراساں کروک آ آفیسر آتا دوتے نت تے گڈنگانے ہراڑآن الس آن خوف چٹک۔ شبرزیدی نا پاننگ ئس کہ آئی ٹی اوزنا دوآن غٹ واک ءِ چٹفنگانے۔ درستی راستی کرفوک آ سیلف سسمنٹ سکیم پورو وڑاٹ فعال ءِ۔
