اسلام آباد۔ 12جون (اے پی پی) بنجائی وزیر صنعت و پیدوار خسروبختیار پارینے کہ زرگزران نا گچینی صنعت آتا چلینگ انگ تون گنڈوک ءِ۔ پاکستان اٹ لیدر جوان ءِ ہراڑآن جوان ءُ کٹیااس مریک۔ داخیال آتا درشانی ءِ او ہفتہ نادے آ پوسٹ بجٹ پریس کانفرنس اٹ تران کرسا پارے کہ ایکسپورٹس ءِ ودفنگ کن انقلابی گام گیج کننگانے۔ اوپارے کہ ایکسپورٹس انڈسٹری کن خام مال آ ٹیرف ءِ کم کننگانے و انڈسٹریل سیکٹر کن بجلی نا پیک آور ءِ چٹفنگانے وخت اس کہ داوخت آ آٹو انڈسٹری نیمہ کیپیسٹی آ کاریم کننگ ءِ۔ خسروبختیار پارے کہ ننے گلوبل ویلیو چین اٹ تینا آٹو سیکٹر ءِ اتوئی ءِ وخت اس کہ اسپیشل اکنامک زون اٹ ٹرن اوورخراج ءِ چٹفنگانے۔ پول و سڑک آتیان زیات اہم انڈسٹریل زون جوڑ کننگ ءِ۔ اوپارے کہ کراچی ٹی انڈسٹریل زون جوڑ کننگ انگ ءِ۔ اوپارے کہ صنعت نا پہیہ ءِ چلیفنگ کن بجلی وگیس درکار ءِ، زرگزران نا پہیہ ہموتم آ چلینگک ہراتم صنعت نا پہیہ چلینگک۔ برآمد آتا سوگوی تننگ کن انقلابی گام گیج کننگا، کراچی ٹی 1500ایکڑ رقبہ غا تالان انڈسٹریل زون جوڑ کننگ اُن، چنکا و اُرائی صنعت آتیا خاص چکار ءِ۔ اوپارے کہ ملک اٹ پائیدار شونداری کن برآمدآتا ودفنگ المی ءِ تانکہ ڈالرز برے، داسہ ننا چیلنج ایس ایم ای سیکٹرءِ۔ خسروبختیار نا پاننگ ئس کہ انڈسٹریل گروتھ اٹ انجینئرنگ سیکٹر آ چکار کننگ اُن۔ اوپارے کہ چین پاکستان اقتصادی راہداری ڈٹ انا رداٹ مچ آ ملک اٹی خصوصی اقتصادی زون جوڑ کننگ انگ ءِ، اولیکو ریسہ ٹی رشکئی، فیصل آباد، دھابیجی و بوستان زون آ اولیتی بنداو تیا کاریم نا بناءِ کننگانے۔
