پاکستان موسمیاتی بدلی تون مون تننگ کن تینا بشخ آن زیات کاریم کننگ ءِ، وزیراعظم عمران خان

اسلام آباد۔ 12جون (اے پی پی) وزیراعظم عمران خان پارینے کہ پاکستان موسمیاتی بدلی تتون مون تننگ کن تینا بشخ آن زیات کاریم کننگ ءِ و دانا رند اٹ تینا بروک آ چین تا بارواٹ سجفنگ ءِ۔ ہفتہ نادے آ تینا ٹویٹ اٹی وزیراعظم عمران خان 2011-12ء نا بنجائی وزارت موسمیاتی بدلی نا بجٹ آن ہلیس بروک مالی سال انا بجٹ نا ٹیبل ءِ ترسا پارے کہ بروک آ مالی سال اکن وزارت موسمیاتی بدلی تا بجٹ 14 ارب 50 کروڑ روپئی آن زیات ءِ وخت اس کہ پیپلزپارٹی نا دور اٹی 2011-12ء ٹی دا بجٹ 5 کروڑ ئس۔ 2012-13ء ٹی دا بجٹ 13کروڑ 50لکھ روپئی ئس۔ مسلم لیگ (ن) نا دور اٹی اولیکو سال 2013-14ء ٹی دا بجٹ 6کروڑ 87لکھ روپئی، 2014-15ء ٹی دابجٹ 2کروڑ 51لکھ، 2015-16ء ٹی 3کروعڑ 97لکھ، 2016-17ء ٹی 2کروڑ 70لکھ و مالی سال 2017-18ء ٹی 81 کروڑ50لکھ روپئی و آخیریکو مالی سال 2018-19ء ٹی 80 کروڑ 26لکھ روپئی جتا کننگا۔ پی ٹی آئی نا حکومت نا اولیکو مالی سال 2019-20ء ٹی 7 ارب 57 کروڑ 90لکھ، 2020-21ء ٹی 6ارب و داسہ مالی سال 2021-22ء کن 14 ارب 50کروڑ روپئی جتا کننگانے۔