راولپنڈی۔ 12جون (اے پی پی) گورنر پنجاب چوہدری محمدسرور الس دوست بنجائی بجٹ آ وزیرخارجہ شاہ محمود قریشی، اسپیکر قومی اسمبلی اسد قیصر و ایلو اسمبلی نا باسک آتے مبارکبادی تسنے۔ محکمہ تعلقات عامہ حکومت پنجاب راولپنڈی نا جاری ہینڈ آؤٹ نا رداٹ ہفتہ نادے پنجاب ہاؤس اٹی گورنر پنجاب چوہدری محمد سرور تون اسپیکر قومی اسمبلی اسد قیصر، وزیرخارجہ شاہ محمود قریشی ئسک اوڑدہی کریر وخت اس کہ داوخت آ پنجاب نا صوبائی وزیر انرجی ڈاکٹر اخترملک، وزیراعظم نا خصوصی کمکار ملک عامر ڈوگر ایم این اے زین قریشی اس تتون اوار ایلوفک ساڑی ئسر۔ اوڑدہی ٹی بنجائی بجٹ، سیاسی وحکومتی امور تون اوار ایلو باندات آتا بارواٹ گپ وتران کننگا۔ اوڑدہی ٹی گورنر پنجاب چوہدری محمد سرور، وزیرخارجہ شاہ محمود قریشی و اسپیکر قومی اسمبلی ئسک دا عزم انا درشانی ءِ کریر کہ انشاء اللہ حکومت و سیوتیک اواری اٹ آسانی اٹ بنجائی بجٹ ءِ منظور کرفنگ اٹ سرسہب مریرہ و مخالف آتے شکست تون مون تروک مریک۔ گورنر پنجاب چوہدری محمد سرور پارے کہ بدبختی اٹ اپوزیشن جماعت آک بنجائی بجٹ نا حساب وکتاب ءِ خواننگ آن بیدس اوڑآ تنقید کننگ ءُ ہربانداتءِ شیف خلنگ مخالف آتا عادت مسنے اوفتے مرے کہ او تنقید کننگ نا جاگہ غا راستکی تے مون آ تخسا ہیت کیر۔ تحریک انصاف نا حکومت السی است خواہی تا رداٹ سیاست کننگ ءِ بجٹ اٹ الس ءِ ہربشخ اٹ ریلیف تننگ دانا شاہدی ءِ۔
