حکومت بریبر ءُ بجٹ اس پیش کرینے، سردار یاسر الیاس خان

اسلام آباد۔ 12جون (اے پی پی) اسلام آباد چیمبر آف کامرس اینڈ انڈسٹری (آئی سی سی آئی) بنجائی بجٹ 2021-22آ تینا ردعمل ءِ ترسا اودے متوازن اسہ بجٹ اس گوندسا گمان نا درشانی ءِ کرینے کہ بجٹ سلاہ آ عملدرآمد آن کاروباری سرجزآتے ٹی ودکی مریک و زرگزران گچین نا کنڈآ کاہک۔ اسلام آباد چیمبرآف کامرس اینڈ انڈسٹری نا صدر سرداریاسر الیاس خان پارے کہ حکومت اہم چیمبرز آف کامرس اینڈ انڈسٹری نا کیہی سلاہ تے بجٹ اٹ اوار کننگ است بڈ ءِ۔ اوپارے کہ پاکستان نا روشنا آخبت صنعتی شونداری تون وابستہ ءِ و حکومت بجٹ اٹی چندی صنعت آتا خام مال و ایلو گڑاتا درآمد آ کسٹم ڈیوٹی و ریگولیٹری ڈیوٹی ٹی کمتی کرینے ہراستاکڑزک،۔ اوپارے کہ ویمن ونٹرپرینیور آتے کن خراج واجبات اٹی 25 درسد کمتی کننگانے ہراستاکڑزک۔ سردار یاسر الیاس خان بجٹ اٹ خراج تروک آتے کن خودتشخیصی اسکیم ءِ دُوارہ بحال کننگ آن اوفتے پین پت ملک و خراج کٹیاتیٹی گچینی بریک۔ اوپارے کہ بجٹ اٹی 12ودہولڈنگ خراج ءِ چٹفنگانے ہرااسہ مثبت ءُ گام اسے انتئے کہ داخراج آتا سوب آن خراج تروک آتیا ودکی بھاریم تماکہ۔ اوپارے کہ پاکستان تینا آئی ٹی برآمدآتے 8 آن 10ارب ڈالر اسکان ودفنگ نا لائخی تخک ہراڑکن آئی ٹی انڈسٹری و ای کامرس ءِ پین آسراتی تا گرج ءِ۔ اوپارے کہ وزیراعظم نا تعمیراتی پیکج نا سوب آن دابشخ اٹی کاروباری سرجزآتے ٹی ودکی مسنے۔