اسلام آباد۔ 06 مئی (اے پی پی) حکومت ویکسین نا دستیابی کن ہروڑاٹ کوشست کرینے، پاکستان اٹی بھلو کچ اسے ٹی ویکسین ارے۔ داخیال آتا درشانی ءِ ڈائریکٹر جنرل ہیلتھ ڈاکٹر رانا صفدر این سی او سی ٹی حوال اٹی کرے۔ اوپارے کہ ویکسین کن شیڈول نا رداٹ مخلوق وخت آ ویکسین خلفے۔ ڈاکٹر رانا صفدر پارے کہ ویکسینیشن سینٹر نا بدلی کن ہم آسان وڑوڈول اس ساڑ ی ءِ۔ ڈی جی ہیلتھ پارے کہ حکومت ویکسین نا دستیابی کن ہروڑاٹ کوشست کرینے اوپارے کہ داوخت آ 40 سال اسکان شاری تے ویکسین خلنگ انگ ءِ۔ روچہ ٹی اِراشفٹ اٹ ویکسین خلنگ انگ ءِ۔ ویکسین نا آب آ ہچ ءُ سمجھوتہ اس کپننگ انگ ءِ و الس ءِ آب اٹ ویکسین خلنگک۔ ڈی جی ہیلتھ ڈاکٹر رانا صفدر الس آن خواست کرینے کہ ویکسین کن رجسٹرڈ کرفر و تینا ویکسی نیشن ءِ پورو کرفر۔
