نبشتہ—- اورنگزیب اسلم بلوچ
راوی ریور فرنٹ اربن ڈویلپمنٹ منصوبگ ، لاہور ءِ واستہ آپ ءِ کمی ءُ ماحولیاتی پد منتگی ءِ جیڈھ ءِ گیش ءُ گیواری انت ، پاکستان ءِ جوڑشیت ءَ چہ پد ملک ءِ جتا جتائیں دمگ آنی اندر ءَ دیمروئی ءِ کار جاڑی انت پدا ھم گوستگیں نہ وشیں دیمروئی کاررپک آں چہ بازیں جیڈھ ودی بوتگ، نا کسانیں کوچگ آں الکاپی ءَ اے دیمروئی گندگ بنت ءُ نا کہ ٹوھیں شہر آنی اندر ءَ ، بے سر ءُ پادیں دیمروئی کار رپک آں چہ جیڈھ ودی بوتگ انت، اے نہ وشیں کار رپک آنی سبب ءَ کسانیں کوچگ آنی مردم لڈ ءُ بار دیم پہ ٹوھیں شہر کتگ ، ایشی ءَ چہ شہر آنی آباتی بے کساس گیش بوتگ۔ ٹریفک، انتظامی کار، ٹیکنالوجی، روگ ءُ آیگ ءُ ایٹماسپیئر ءِ وڑ وڑیں جیڈھ آنی گوما دیم پہ دیمی بوتگ۔ ھمے ھال صوبائی دارالحکومت لاہور ءِ بوتگ۔ یک وھد ءِ لاہور باگ ءُ پُل آنی شہر گوشگ بوتگ ایشی ءِ شر رنگی سک باز نامدار بوتگ، مردم آں نَل ءِ شیرکنیں آپ وارتگ، پیسر ءَ گند ءُ گسٹ اچ نہ بوتگ، انوں آپ سک باز جھل شتگ، صوبائی دارالحکومت لاہور ءَ را انتظامی کار، ٹیکنالوجی ، آسراتی، روگ ءُ آیگ ءُ ایٹماسپئیر ءِ جیڈھ آنی گوما دیم پہ دیمی انت، اینکاسیں ٹوھیں شہر ءِ انتظامی جیڈھ آناں چلائینگ ھم اینچوک آسان نہ انت۔ اے جیڈھ آنی گیواری استیں حکومت ءَ راوی ریور فرنٹ اربن ڈویلپمنٹ (آر آر ایف یو ڈی) پروجیکٹ ءِ بنگیج کتگ۔
“نیا پاکستان” جوڑیشت کنگ ءِ مزن وزیر عمران خان ءِ ویژن ءِ چیر دستی ءَ بندات کتگیں راوی ریور فرنٹ اربن ڈویلپمنٹ (آر آر ایف یو ڈی) منصوبگ ءِ سرجمی ءَ چہ نا ایوک ءَ لاہوری مردم آنی واستہ آپ ءِ کمی ءِ جیڈھ ، گند ءُ گسٹ آنی گر ءُ دار ءَ کمکار سہرا بیت بلکینگ ءَ 46 کلومیٹر ءِ اے استیں منصوبگ ءِ سرجمی ءَ چہ الس آسودگ بیت، ساپ ءُ نوکیں شہر آنی نمونگ ءَ توامیں نوکیں آسراتی رس انت۔ راوی سائفن ءَ چہ ہڈیارہ ءَ تاں 46 کلومیٹر دراجیں گورم، سڑک آنی جال ءُ 12 نوکیں ہائی ٹیک شہر آنی جوڑیشت ءِ منصوبگ ایشی یے ارزشتیں ایں بھر بنت۔ اے جوانیں منصوبگ ءَ چہ راوی کور ، کہ انوں ایش اُشک بوتگ ءُ گٹر ءِ جوڑ بوتگ، ایشرا دوارگ دریا ءِ جوڑ کنگ بیت۔ ایش پاکستان ءِ درستاں چہ مستریں پروجیکٹ ات ءُ یک ٹوھیں جیڈھ ات ایشرا مزن وزیر عمران خان ءِ سر3وکی ءَ حکومت ءَ قبول کت، پیسرگیں وھد ءُ باریگ ءَ اچ کس ءَ چیلنج قبول نہ کتگ، اے پروجیکٹ ءَ چہ معاشی چست ءُ ایر گیش ترند تر بنت۔ روزگار ءِ موہ گیش پیداک بنت، ءُ ھندی صنعت آناں دیمروئی رسیت۔
مزن وزیر عمران خان ءَ راوی ریور اربن پراجیکٹ (آر آر یوڈی پی) ءِ بنگیج ءِ موہ ءَ گوشت کہ ” برز ءُ بلندیں پکر ءُ ھیال ءَ چہ یک عظمیں راج ءِ جوڑ بیت” کمو ٹوھیں کار کنگ ءِ واستےہ کمو ٹوھیں واب گندگ لوٹ ایت، آئی ءَ گوشت کہ راوی ریور فرنٹ پروجیکٹ ءِ بنگیج ھم اے برز ءُ بلندیں پکر ءُ ھیال ءُ عملی گامگیج آنی رچ انت ایش گوستگیں دو سال ءَ چہ کامیات ورنا پروگرام ، جان سلامتی انصاف کاٹ، بلین ٹری منصوبگ، پناہ گاہ ءُ نوکیں پاکستان ہاوئسنگ ءِ شک ءَ بندات کنگ بوتگ انت۔
صوبائی وزیر برائے ہاوئسنگ میاں محمود الرشید ءَ گوشت کہ راوی ریور فرنٹ منصوبگ یک بن ھشت ءِ جوڑ بیت۔ ایشی ءَ ماحول ءِ رکھینگ ءُ ساپی بیت۔ آئی ءَ گشت کہ 46 کلومیٹر دراجیں گورم ءِ جوڑ بوھگ ءَ چہ لوگی ءُ صنعتی گند ءُ گسٹ ءَ چہ آماچ بوتگیں راوی کور ساپ بیت ءُ لاہور ءِ مردم آنی آپ ءِ ضلورت پیلو بیت۔
چیئرمین راوی اربن ڈویلپمنٹ اتھارٹی (روڈا)، راشد عزیز ءَ گوشتگ کہ اے وڑیں میگا پراجیکٹ ءَ را سرجم کنگ یک جوانیں گامگیجے وڑ ءَ انت کہ اے لاہور ءِ شہر ءَ را ساپیں آپ ءُ ساپیں ماحول ءِ پجاری المی بیت۔ آئیءَ گوشتگ کہ لاہور شہر آپ ءِ کمیگ ءِ آماچ بوت کنت چیا کہ آپ ءِ آسراتی کم بوھان انت، زمین ءِ چیر ءَ آپ 50 درسد جھل شتگ ءُ آیوکیں سئے ءَ چہ چار سال ءَ پد لاہور ءِ اے جیڈھ گیشتر بوت کنت، آئی ءَ گوشتگ کہ لاہور ءَ را گند ءُ گسٹ ، سموگ، ساپیں آپ ءِ کمی ، سیوریج ءِ ھرابیں نظام ءِ وڑیں جیڈھ ءُ جنجال آنی گوما دیم پہ دیمی بوت کنگ ، ایشی ھاترا منصوبگ بندی کنگ ءِ ضلورت انت، راوی ریور فرنٹ منصوبگ اے جیڈھ ءُ جنجال آنی ایوکیں گیش ءُ گیواری انت۔
لاہور ڈویلپمنٹ اتھارٹی (ایل ڈی اے) ءِ وائس چیئرمین ایس ایم۔ عمران ءَ گوشت کہ اے منصوبگ ءِ رد ءَ تیار بوھوکیں گورم شہر ءِ زمینی آپ ءَ را یک رند ءِ پدا ساپ کنگ ءَ باز کمک دیگ ءَ ھوار چاگرد ءَ را ھرابیں اسر آں چہ رکھینگ ءَ پائیدگ دنت، آئی ءَ گوشتگ کہ ما بے آپ ءَ بوت نہ کن انت، آپ یک شل ءَ زمین ءِ چیر ءَ روگ ءَ انت ءُ مارا اے رکھینگی انت، اگاں ما اے بابت ءَ منصوبگ بندی مکن آں گڈا آیوکیں وھداں شہر ءَ آپ ءِ کمی بیت۔
لاہور چیمبر آف کامرس اینڈ انڈسٹری (ایل سی سی آئی) ءِ نائب صدر طارق محمود چوہدری ءَ گوشت کہ راوی ریو ر منصوبگ یک بے دروریں منصوبگ ات، دریائے راوی ءِ جاہ ءَ 46 کلومیٹر دراج بُریں گورم ءِ جوڑیشت ءَ چہ زیر زمین آپ گیش ودینگ ءَ کمک رسیت۔ آئی ءَ گوشت کہ لاہور ءَ آپ ءِ بنزیاہ آنی تہ ءَ گیش کمی بوھگ ءَ انت ءُ اے ترس است انت کہ آیوکیں وھد ءَ شہری الس آپ ءِ جیڈھ ءَ گوں دیم پہ دیم بنت۔ زیر زمین آپ ءِ ودینگ وھد ءِ ارزشتیں ایں ضلورت انت اے منصوبگ ءَ چہ جیڈھ ءِ گیواری ءَ کمک رسیت۔ آئی ءَ گوشت کہ ما درس زاناں کہ مئے دریا اُشک بوھگ ءَ انت ءُ زیر زمین آپ ءِ کمیگ بوھگ ءَ انت، اگاں ایش اوشک بوت انت گڈا دریا ءَ را گورم ءِ رنگ ءَ مٹ کنگ بہ بیت گڈا لاہور شہر ءِ واستہ سک باز ساپیں آپ پجاری بوت کنت۔ طارق محمود ءَ گوشت کہ آپ ءِ کمیگ ءِ سبب ءَ واٹر اینڈ سینی ٹیشن اتھارٹی شہری الس آناں ساپیں آپ ءِ پجاری ءِ واستہ بی آر بی ءَ فلٹر پلانٹ جنگ ءِ ھم منصوبگ جوڑ کنگ ءَ انت۔ آئی ءَ گوشت کہ مردم آں اے منصوبگ ءَ گوں بازیں امیت ءُ اوست بندوک انت چیا کہ اے منصوبگ ءِ سرجمی ءَ چہ ساپیں ءُ شر رنگیں لاہور ءِ پشوکی گوشتگ ایشی ءِ اندر ءَ ھندی شہر ی الس آناں ساپیں آپ ءِ پجاری ءُ نپس کشگ ءِ واستہ ساپ ءُ الکاپیں گوات ءِ پجاری ھم بیت۔
