اسلام آباد۔20مارچ (اے پی پی):صدر مملکت ڈاکٹر عارف علوی ءَ دنتان آنی سپائی ءِ ھوالگ ءَ زور دیان ءَ گوشت کہ ایشی ءَ چہ بازیں نمونگ ءِ نادراھی ءَ چہ رکھگ بیت کنت، حدیث مبارکہ ءَ بار بار دنتان آنی سپائی ءِ ھوالگ ءَ گوشگ بوتگ۔ اے ھیالانی درشانی آئی ءَ دنتان آنی سپائی ءِ میاں اوستمانی روچ ءِ موہ ءَ وتی ویڈیو کلوہ ءَ گوشت۔ صدر ءِ مملکت ءَ گوشت کہ ھمک سال 20 مارچ ءَ دنتان آنی جان سلامتی ءِ میاں روچ برجم دارگ بیت تانکہ دنتان آنی نادراھی ءُ سپائی ءِ ھوالگ ءَ سرپدی بہ بیت ۔ آئی ءَ گوشت کہ کورونا ھوپ ءِ ساھت ءَ مردم آں رکھینگی رھبند آناں پد ءُ رند کتگ۔ آئی ءَ گوشت کہ وت مہ وت گستا ، دستانی شودگ ، ماسک پر کنگ سک باز المی انت ۔ آئی ءَ گوشت کہ نبی کریم ﷺ ءِ کساس 20 حدیث دنتان آنی سپائی ءِ ھوالگ ءَ سرپدی کن انت۔ آئی ءَ گوشت کہ دنتان آنی سپائی کنگ ثواب انت۔ آئیءَ گوشت کہ نبی پاک ﷺ ھمک وضو ءِ ساھت ءَ مسواک کتگ، فرشتگ آں وحی آورتگ گڈا مسواک ءِ ھم گوشتگ۔ آئی ءَ گوشت کہ دنتان آنی سپائی ءَ چہ بازیں نمونگ ءِ نادراھی ءَ چہ رکھگ بیت کنت۔
