اسلام آباد۔ 18 مارچ (اے پی پی) گوادر اٹی جہانی وڑنا بالی پٹ انا تفنگ ترندی اٹ برجاءِ، گوادر بالی پٹ انا تفنگ آن شار شونداری نا پوسکن آ دور اٹ اوار مریک۔ سی پیک اتھارٹی کمامدار آتا رداٹ پاک چین اقتصادی راہداری ڈٹ انا رداٹ گوادر شار ءِ مرکزی اہمیت دوئی ءِ۔ گوادر اٹی جہانی وڑنا بالی پٹ اس مننگ ہم بھاز المی ئس۔ گوادر انٹرنیشنل بالی پٹ انا تفنگ نا بنا ءِ تدوک آ سال کننگاسس و داڈٹ آ کاریم ترندی اٹ برجاءِ۔ گوادر نا پوسکن انگا بالی پٹ انا رن وے آ دنیا نا غٹ آن بھلا مسافر بردار جہاز 380 اے ءِ ہم لینڈنگ و بال کننگ نا آسراتی ساڑی مریک۔ حکومت گوادر اٹی برجا غٹ شونداری ڈٹ آتے پورو کننگ کن سنبرینگوک ءِ۔ گوادر اٹی دوسد ءُ سی ملین ڈالر نا خڑچ آن تفنگوک آ بالی پٹ گوادر شار و پورٹ انا شونداری کن پک مریک۔ بالی پٹ انا تفنگ آن ہراڑے گوادر جہانی شار انا درجہ دوئی کیک ہموڑے دا ڈٹ آن روزگار نا وارخواہی ودی مریک و دا بالی پٹ شار انا شونداری ٹی بھاز کمکار مریک۔
