اسلام آباد۔ 18 مارچ (اے پی پی) آسٹریلیا نا کمک اٹ بلوچستان اٹی فصل آتا پیدوار اٹی 25 درسد ودکی مسنے۔ اقوام متحدہ نا ادارہ خور وکشت وکشار پارینے کہ آسٹریلیا بلوچستان ایگری بزنس پروگرام نا رداٹ بلوچستان نا 6 جتا ضلع غاتا کشارگر تینا فصل آتا پیدوار ءِ 25 درسد اسکان ودفنگ اٹ سرسہب مسنے۔ یو این ایف اے او نا حوال نارداٹ آسٹریلیا بلوچستان ایگری بزنس پروگرام نا رداٹ 2014ء آن 2020ء ٹی آسٹریلوی حکومت بلوچستان کشارگر تپہ غاتا کمک کن فنڈ فراوان کرینے۔ پروگرام آن سویلی دیکی بلوچستان نا شش ضلع غاتا 23 ہزار آن زیات کشار گر اُراتا کٹیا ءِ ودفنگ اٹ کمک رسینگانے۔ فلیگ شپ پروگرام اِرا ریسہ غاتیٹی پورو کننگا۔ ایف اے او و بلوچستان نا حکومت نا چاروکی ٹی چلیفوک آ دا پروگرام آن چندی فصل آتا پیدوار اٹی 25 درسد ودکی مسنے۔ حوال نا رداٹ پروگرام نا رداٹ پیماز، میوہ دار نیال، لائیو اسٹاک، آب اٹنگا بیج آتا پیدوار، پولٹری، اِلار تون اوار لس اُرائی کاریم اٹ اتنگ نا غذائی گڑاتا پیدوار نا مون آ دننگ آ چکار کننگا۔ ہراٹی نرینہ و نیاڑی کشارگر آک تینا فارمنگ نا کاروبار اٹی گچینی و کشاری پیدوار اٹی ودکی کن گام گیج کرے۔ حوال نا رداٹ پروگرام نا سرسہب اڈتننگ آن صوبہ نا شش چندی ضلع غاتیٹی فصل آتا پیدوار اٹی 25 درسد ودکی مسنے وخت اس کہ لائیو اسٹاک، پولٹری و اِلار تون اوار ایلو میوہ دار نیال آتا دسنگ اٹی ہم ودکی مسنے۔
