7.8ارب  کلدار ءِ  رمضان پیکج ءِ منظوری داتگ، رمضان ءَ یوٹیلیٹی اسٹورآنی  تہ ءَ 19 سامان آنی سر ءَ سبسڈی دیگ بیت، بنجاھی وزیر برائے صنعت ءُ پیداوار ءُ حماد اظہر ءِ پریس کانفرنس ءَ بریفنگ

اسلام آباد۔16مارچ  (اے پی پی): بنجاھی وزیر برائے صنعت ءُ پیداوار حماد  اظہر ءَ گوشت کہ 7.8 ارب کلدار ءِ رمضان پیکج ءِ منظوری داتگ۔ رمضان ءَ یوٹیلیٹی اسٹور آنی تہ ءَ 19 سامان آنی سر ءَ سبسڈی دیگ بیت۔ معیشت راستیں کشک ءَ رھادگ انت، ڈالر ءِ نیاد  ھم کم بوتگ انت۔ اے ھیالانی درشانی آئی ءَ کابینہ کمیٹ ءِ دیوان ءَ چہ پد پریس  بریفنگ دیان ءَ کت۔ آئی ءَ  گوشت کہ مزن وزیر ءِ سرجمیں کوشست انت کہ گران بھائی ءِ بار مردم آنی کوپگ ءَ چہ کم کنگ بہ بیت ءُ 7.8 ارب کلدار   ءِ پیکیج ھمے کوشست  آنی بھر انت۔ آئی ءَ گوشت کہ مزن  وزیر ءِ درستاں چہ مستریں نیاد گران بھائی ءَ را  جھل ءَ  آرگ ءَ  ھرچ بیت ءُ  مار ڈکال ءِ آماچیں معیشت ءِ رستگ ات بلے توانیں کوشست آں ابید وام آنی بار ءِ گوما گر ءُ چیل بوھگ آسان نہ بوتگ۔ آئیءَ گوشت کہ یوٹیلیٹی اسٹور  ڈکال ءِ آماچیں ادارگ ءِ ات بلے اے سال ءِ گڈ ءَ ایش ڈکال ءَ چہ در کپ ایت۔ آئی ءَ گوشت کہ مئے معیشت ھم برجم بوھگ ءَ انت ءُ جانی تاوان  ھم کم بوتگ چیا کہ ما زوتیں رد ءَ گامگیج بندات کتگ ءُ کیس آنی کساس  کم بوھگ ءَ انت،  وھد ءِ اولی فیز اتکگ گڈا آ وھد ءَ   ما ھما کہ پالیشی زرتگ اتک گڈا ایش سک باز کامیات بوتگ ءُ ایشرا پد ءُ  رند کنان ءَ ما ایشرا  ھم گر ءُ دار کناں۔ حماد اظہر  ءَ موہ ءِ سر ءَ  گوشت کہ یوٹیلیٹی اسٹور آنی تہ ءَ شکر 40 کلدار یک کلو گرام، ٹیل ءِ 20 کلدار  یک لیٹر،  ناہ "اورماگ” ءِ 20 کلدار یک کلو  گرام ءُ دان چاول  ءِ سر ءَ 10 کلدار یک کلوگرام  سبسڈی دیگ بیت۔