چارمیکو جہانی پاکستان آرمی ٹیم سپرٹ مقابلہ غاتا کھاریاں نا خڑک قومی انسداد دہشت گردی مرکز اٹ بناکرے، آئی ایس پی آر

راولپنڈی۔ 01 مارچ (اے پی پی) چارمیکو’’جہانی پاکستان آرمی ٹیم سپرٹ مقابلہ 2021‘‘نا کھاریاں نا خڑک قومی انسداد دہشت گردی مرکز پبی ٹی بناکرے، 3 دے ئی مقابلہ غاتیٹی پاکستان آرمی نا 8 ڈومیسٹک ٹیم تیان بیدس 8 سیوتی ملک آتا ٹیمک ہم مقابلہ ٹی بشخ ہلیرہ۔ پاک فوج انا شعبہ تعلقات عامہ (آئی ایس پی آر) نا رداٹ سیوتی ملک اردن، سری لنکا، ترکی و ازبکستان نا ٹیمک مقابلہ غاتیٹی بشخ ہلیرہ وخت اس کہ مراکش، انڈونیشیا، قزاخستان و تاجکستان مبصرآتا حیثیت اٹ بشخ ہلیرہ۔ جسمانی و کسبی ڈومینز تیٹی حکمت عملی نا مہارت تون اوار اوار بشخ ہلوک آ ٹیم تا چستی ءِ ہُننگ کن دامقابلہ غاتے شین تننگانے تانکہ وخت آ فیلڈ منظرنامہ غاتے چیلنج کننگ کن ورناک چاک و چوبند مریر۔ 62 گھنٹہ مریس ایونٹ اٹ چندی کراس ڈومین، جسمانی سگ، دیر انا کسر اٹ اڑاند ءِ عبور،کیمیائی، حیاتیاتی ، ریڈیو لاجیکل چاگڑد اٹ خڑکی ہدف نا بحالی و رکھ اوار ءِ۔