راولپنڈی۔8فروری (اے پی پی): حسن علی ءُ محمد رضوان ءِ جوانیں لیب ءِ بدولت ءَ پاکستنان ءَ زر باری افریقہ ءُ راولپنڈی ٹیسٹ ءَ 95 رنز آنی شکست دیان ءَ دومیچز آنی سیریز کلین سویپ کتگ، 370 رنز آنی پت ءُ لوٹ مہمان ٹمب 274 ءِ ھلاس بوت انت، اوپنر ایڈن مارکرم ءَ 108 رنز لیب کت پدا ھم وتی ٹیمب ءَ را شکست ءَ چہ بچارینت نہ کت، حسن علی ءَ دومی اننگز ءِ تہ ءَ جوانیں باولنگ کت ءُ 5 وکٹ گپت ایشی ءَ چہ پاکستان ءِ باج برئی ءَ جوانیں کرد پیلو کت۔ شاہین آفریدی ءَ 4 لیبی آوٹ کت ، حسن علی ءَ میچ ءَ ھواریں رنگ ءَ 10 وکٹ در جنگ ءِ پد ءَ مرد ءِ میدان نامینگ بوت وھدیکہ دومی اننگز ءَ سنچری جنوکیں وکٹ کیپر بیسٹمین محمد رضوان سیریز ءِ گہتریں پلیئر نامینگ بوت انت، دو شمبے ءَ ادا راولپنڈی کرکٹ سٹیڈیم ءَ ٹیسٹ ءِ پنچمی ءُ گڈی روچ ءَ زر باری افریقہ ءَ 370 رنز ءِ پد ءَ 127 رنز یک لیبی ءِ آوٹ ءِ پد ءَ اننگز دوارگ بندات کت گڈاس ایڈن مارکرم 59 اور وین ڈرڈاسن 48 رن ءِ گوما ناٹ آوٹ بوت۔
