اسلام آباد۔ 17 دسمبر (اے پی پی) وزیر خارجہ مخدوم شاہ محمود قریشی متحدہ عرب امارات نا اِرادے ئی دورہ غا پنچ شنبے نادے آ دبئی آ سرمس۔ دبئی انٹرنیشنل بالی پٹ آ سرمننگ آ دبئی ٹی پاکستان نا قونصل جنرل احمد امجد علی، سفارتخانہ نا سینئر آفیسر و اماراتی وزارت خارجہ نا سینئر کمامدارآک اودے بخیر کریر۔ وزیر خارجہ تینا اِرادے ئی دورہ ٹی متحدہ عرب امارات نا بڑزکو سرکڑدہ غاتون اوڑدہی کیک۔ دا اوڑدہی تیٹی ہڑتوم آ کنڈآتا تعلقداری، پاکستان ومتحدہ عرب امارات نا نیام اٹ واپاری و اقتصادی کمکاری ءِ مون آ دننگ تون اوار تین پہ تینی است خواہی نا چندی باندات آتیا گپ وتران کننگک۔ وزیر خارجہ داوخت آ پارے کہ پیشن نا ملک آتیٹی رہینگوک پاکستانی تا راجی آسراتی، حکومت نا اولیت آتیٹی اوار ءِ۔

متعلقہ مضامینمصنف کی طرف سے مزید