پشاور۔ 16 دسمبر (اے پی پی) وزیراعظم تینا دورہ پشاور اٹی پشاور انسٹیٹیوٹ آف کارڈیالوجی (پی آئی سی) نا بناءِ کننگ آن پد گپ وتران کرسا آرمی پبلک اسکول نا شہید آتے خاص وڑاٹ یات کرے۔ او16 دسمبر نا مناسبت اٹ پارے کہ اینو اونا است سانحہ آرمی پبلک اسکول نا یات اٹ بھاز افسردہ ءِ۔ اوپارے کہ دا سانحہ قوم ءِ دہشت گردی نا مقابلہ کن متحد کرے اوکان پد پاکستان نا سیکورٹی فورس و قوم اواری اٹ دہشت گرد آتے شکست تسر۔ اوپارے کہ او سانحہ آرمی پبلک اسکول نا شہید آتا خاہوت نا ڈکھ و غم اٹی بریبر نا شریک ءِ و ہمو شہید آتا قربانی تے خراج تحسین پیش کیک۔ داوخت آ او وایلو ساڑی مروک آک سانحہ آرمی پبلک اسکول نا شہید آتیکن بخشش نا دعا و پدسلوک آتین صبر و جمیل نا دعا کریر۔
