سیالکوٹ ایئر پورٹ انا جوڑ مننگ آن پاکستان اٹ سیل و سوات نا بشخ ءِ مون آ دننگ دوئی مریک، صدر مملکت ڈاکٹر عارف علوی

اسلام آباد۔ 16 دسمبر (اے پی پی) صدر مملکت ڈاکٹر عارف علوی پارینے کہ سیالکوٹ ایئر پورٹ انا جوڑ مننگ آن پاکستان اٹ سیل و سوات نا بشخ ءِ مون آ دننگک۔ سیالکوٹ ایئر پورٹ نئے بیرہ پاکستان بلکن ڈیہہ ٹی تینا وڑنا اولیکو ایئر پورٹ ءِ، حکومت کورونا نا دین انا ہوابازی نا بشخ آ منفی اثر آتیان جوان وڑاٹ واقف ءِ۔ داخیال آتا درشانی ءِ او سیالکوٹ انٹرنیشنل ایئرپورٹ نا انتظامیہ نا ڈل انا چیئرمین میاں نعیم جاوید تون گپ وتران کرسا کرے ہرافک چارشنبے نادے آ داڑے اوڑتون اوڑدہی کریر۔ اوڑدہی ٹی وزیر ہوابازی غلام سرور خان، سیکرٹری ایوی ایشن شوکت علی و ڈی جی سول ایوی ایشن ئسک ہم ساڑی ئسر۔ صدر عارف علوی سیالکوٹ ایئر پورٹ انا جوڑ مننگ آ سیالکوٹ چیمبر آف کامرس نا کوشست آتا ستاءِ کرے۔ صدر مملکت ڈاکٹر عارف علوی پارے کہ پوسکن آ ایئر پورٹ نا جوڑ مننگ آن ملکی برآمد آتا فراوانی ٹی ودکی ٹی کمک رسینگک۔ سیالکوٹ ایئرپورٹ نا جوڑ مننگ آن پاکستان اٹ سیل و سوات نا بشخ ءِ مون آ دننگک۔ اوپارے کہ سیالکوٹ ایئرپورٹ نئے بیرہ پاکستان بلکن ڈیہہ ٹی تینا وڑنا اولیکو ایئرپورٹ ءِ۔ حکومت کورونا نا دین انا ہوابازی نا بشخ آ منفی اثرآتیان جوان وڑاٹ بلد ءِ۔ صدر مملکت پارے کہ حکومت کورونا نا دین اٹی کاروباری بشخ ءِ ہروڑ ریلیف فراوان کرے۔ سیالکوٹ نا پوریاگر برادری کارپوریٹ سوشل رسپانسیبلٹی نا رداٹ خاطرخواہ خذمت سرتننگ ءِ۔