اسلام آباد۔ 16 دسمبر (اے پی پی) محکمہ موسمیات نا رداٹ بروک آ 24 گھنٹہ ٹی اسلام آباد تون اوار پنجاب، ملک انا قطبی علاقہ جات و قطبی بلوچستان اٹی موسم بھاز یخ مریک وخت اس کہ پنجاب نا میدانی علاقہ و بڑزکو سندھ اٹی سہب و شام انا وخت اٹی گوتلو مننگ نا گمان ءِ۔ تدوک آ 24 گھنٹہ ٹی ملک انا گیشتر علاقہ غاتیٹی موسم خشک و یخ ئس وخت اس کہ بڑزکو خیبرپختونخوا و کشمیر اٹی پِر مس۔ غٹ آن زیات پِر خیبرپختونخوا و میر کھانی ٹی اسہ ملی میٹر پِر ریکارڈ کننگا۔ رپورٹ نا رداٹ کم آن کم درجہ حرارت ، قلات، کالام منفی 11، کوئٹہ ، زیارت، لہہ منفی 10، سکردو منفی 8، ستور ، مالم جبہ منفی 7، گوپس، بگروٹ منفی 6 دیر، پارا چنار، دالبندین منفی 5، ژوب منفی 4،ہنزہ، چترال، کاکول، مری و راولاکوٹ اٹ منفی 3 ڈگری سینٹی گریڈ ریکارڈ کننگا۔
