اسلام آباد۔ 16 دسمبر (اے پی پی) بنجائی وزیر حوالکاری و شینکاری سینیٹر شبلی فراز آرمی پبلک اسکول پشاور ءِ سلام پیش کرسا پارینے کہ ہر سال 16 دسمبر ءِ سانحہ اے پی ایس نا برسی آ ڈکھ وٹھپ مچ آ قوم انا است اٹ تازہ مریک، دہشت گرد آک کودک آتے شہید کرسا مچ آ قوم ءِ ناقابل فراموش غم تسر۔ چارشنبے نادے آ تینا ٹویٹ اٹی بنجائی وزیر سینیٹر شبلی فراز پارے کہ اینو ننے دا عہد انا درشانی ءِ کروئی ءِ کہ دہشت گردی نا برخلاف دوئی سرسہبی تے اسُل زیان مننگ کن الیپنہ۔ اوپارے کہ دہشت گردی نا برخلاف جنگ اٹ ننا سلہہ بند فوج و غٹ کانود نافذ کروک آ ادارہ و الس نا بھلو کچ اس قربانی تسنو۔ اوپارے کہ دعا ءِ کہ اللہ تعالیٰ شہید آتا درجہ غاتے بڑز کے و خاہوت ءِ صبر کننگ نا توفیق ایتے۔ آمین
