اسلام آباد۔ 16 دسمبر (اے پی پی) اسپیکر قومی اسمبلی اسد قیصر آرمی پبلک اسکول پشاور نا شہید چنا و استاد آتے خراج عقیدت پیش کرسا پارینے کہ 16 دسمبر نا دے پاکستان نا تاریخ نا تہار انگا دے ءِ۔ سانحہ اے پی ایس اینو ہم ننے ہمو کودک پھل آنبار انگا چناتا یات ترفک۔ چارشنبے نادے آ سانحہ آرمی پبلک اسکول نا شش می برسی نا وخت آ تینا ویڈیو کلہو اٹی اوپارے کہ دہشت گردی نا برخلاف جنگ اٹی شہید آتے سلام پیش کیوہ۔ اسپیکر قومی اسمبلی پارے کہ مچ آ قوم دہشت گردی نا برخلاف یکجاءُ۔ سلہہ بند فوج مچ آ قوم انا کمک اٹ دہشت گردی ءِ بیخ ءِ کشا ہراٹی اینو ملک آن دہشت گردی چٹانے۔ نن سانحہ آرمی پبلک اسکول اٹ شہید مروک آ چناتا دتر ءِ اسُل زیان مننگ کن الیپنہ۔
