اسلام آباد۔ 16 دسمبر (اے پی پی) تدوک آ بیست ءُ چار گھنٹہ ٹی کورونا دین انا سوب آن سندھ اٹی غٹ آن زیات مرک ریکارڈ کننگا اوکان پد زیات مرک پنجاب اٹی مس۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 105 مرک مس ہرافتیان 70 مرک وینٹی لیٹر آتیا ساڑی ناجوڑ آتا ئس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 2 ہزار 731 بندغ آتا کوویڈ۔ 19 ٹیسٹ مثبت بس و 105 بندغ دا دین آن زوال کریر ہرافتیان 98 بندغ ہسپتال آتیٹی وخت اس کہ 7 بندغ اُراتیٹی قرنطینہ ٹی زوال کریر۔ ملک انا 4 بھلا شار تیٹی وینٹی لیٹر آتیا کوویڈ۔ 19 ننا ناجوڑ آتا کچ انا لحاظ اٹ ملتان اٹی 48 درسد، اسلام آباد اٹی 46 درسد، لاہور اٹی 34 درسد وپشاور اٹی 26 درسد ناجوڑ ءُ۔ ہنداوڑاٹ ملک انا 4 بھلا شار تیٹی آکسیجن نا آسراتی والا کٹ آتیا راولپنڈی ٹی 42 درسد، ملتان اٹی 41 درسد، کراچی ٹی 37 درسدو پشاور اٹی 64 درسد ناجوڑ ءُ۔ تدوک آ24 گھنٹہ ٹی کوویڈ۔ 19 نا 38 ہزار 28 ٹیسٹ کننگا ہرافتیان سندھ اٹی 10 ہزار 289، پنجاب اٹی 16 ہزار 931، خیبرپختونخوا ٹی 4 ہزار 134، اسلام آباد اٹی 5 ہزار 375، بلوچستان اٹی 506، گلگت بلتستان اٹی 374، آزاد کشمیر اٹی 419 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 3 لکھ 88 ہزار 598مسنے۔ بلوچستان و گلگت بلتستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف وخت اس کہ مچ آ ملک اٹی کوویڈ۔ 19 کن جتا وینٹی لیٹر آتیا 316 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 48 ہزار 369ءِ۔ مچ آ ملک اٹی کورونا دین آن زہمی بندغ آتا کچ 4 لکھ 45 ہزار 977 ءِ ہرافتیان آزاد کشمیر اٹی 7 ہزار 771، بلوچستان اٹی 17 ہزار 796، گلگت بلتستان اٹی 4 ہزار 799، اسلام آباد اٹی 35 ہزار 203، خیبرپختونخواٹی 53 ہزار 253، پنجاب اٹی 1 لکھ 28 ہزار 673و سندھ اٹی 1 لکھ 98 ہزار 482 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 9 ہزار 10 ءِ ہرافتیان سندھ اٹی 3 ہزار 222مرک وخت اس کہ تدوک آ بیست ءُ چار گھنٹہ ٹی 55 ناجوڑ ہسپتال آتیٹی وخت اس کہ 3 ناجوڑ اُراٹی قرنطینہ ٹی دا دین آن زوال کریر،پنجاب اٹی 3 ہزار 452 مرک وخت اس کہ تدوک آ بیست ءُ چار گھنٹہ ٹی 26 ناجوڑ ہسپتال آتیٹی وخت اس کہ 4 ناجوڑ اُراتیٹی قرنطینہ ٹی دا دین آن زوال کریر، خیبرپختونخوا ٹی 1 ہزار 489وخت اس کہ تدوک آ بیست ءُ چار گھنٹہ ٹی 12 ناجوڑ ہسپتال آتیٹی داین آن زوال کریر۔ اسلام آباد اٹی کل 379 مرک وخت اس کہ تدوک آ بیست ءُ چار گھنٹہ ٹی 2 ناجوڑ ہسپتال آتیٹی دا دین آن زوال کریر۔ بلوچستان اٹی 176 مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹی دا دین آن زوال کرے۔ مچ آ ملک اٹی کوویڈ۔ 19 نا درمان کن جتا 615 ہسپتال آتیٹی 3 ہزار 66 ناجوڑ درمان مننگ ءُ۔
