ہری پور۔ 16 دسمبر (اے پی پی) بنجائی وزیر توانائی، پٹرولیم و قدرتی وسیلہ عمرایوب خان نا خصوصی پرمان آ مکھن کالونی محلہ شہیداں ٹی سوئی گیس انا فراوانی کن ڈسٹری بیوشن لین تننگا۔ داوخت آ ہندی بندغ چوہدری خورشید، محمد بشیر، ایکسین جاوید خان، محمد اعجاز، گل خان و آصف خان تون اوار ایلوساڑی بندغ آک لین شاغنگ آن مست خیر اکن دعا کریر و سوئی گیس انا فراوانی نا پرمان آ السی سرکڑدہ عمرایوب خان ءِ شاندار لوز آتیٹی خراج تحسین پیش کرے۔ اوپارے کہ دونیم سالہ دور وزارت اٹ بنجائی وزیر عمرایوب خان مچ آ ضلع ٹی بجلی و گیس انا ویل آتا ایسری ٹی بھاز است خواہی نا درشانی ءِ کرینے۔ ہراعلاقہ غاتیٹی بجلی نا وولٹیج اسکان نا ویل ایسر متوکہ ، اینو ہمو علاقہ غاتیکن گریڈ اسٹیشن آتا تفنگ برجاءِ ، ہنداوڑ ہفتاد سال آن سوئی گیس انا فراوانی آن گوجالوک علاقہ غاتے سوئی گیس انا لین و کنکشن فراوان کرسا بنجائی وزیر عمرایوب خان الس ءِ است ءِ کٹانے۔
