صدرمملکت ڈاکٹر عارف علوی انسداد ریپ آرڈیننس 2020ء نا منظوری ءِ تس

اسلام آباد۔ 15 دسمبر (اے پی پی) صدر مملکت ڈاکٹر عارف علوی انسداد ریپ آرڈیننس 2020ء نا منظوری ءِ تسنے۔ سے شنبے نادے آ ایوان صدر نا میڈیا ونگ آن جاری بیان نا رداٹ آرڈیننس آن زالبول و چناتا برخلاف جنسی بیدادی نا باندات آتے زوت سرتننگ اٹ کمک رسینگک۔ جنسی بیدادی نا دوبہ دار آتا ترند ٹرائل و کیس آتے زوت آن زوت سرتننگ کن مچ آ ملک اٹی اسپیشل کورٹ جوڑ کننگک۔ خصوصی عدالت آک 4 تُو انا تہہ ٹی جنسی بیدادی نا کیس اتے سرایترہ۔ آرڈیننس نا رداٹ وزیراعظم انسدادِ جنسی بیدادی کرائسس سیلز اس جوڑ کینہ۔ کرائسس سیل 6 گھنٹہ نا تہہ ٹی میڈیکو۔لیگل معائنہ کرفنگ نا مجاز مریک۔ نادرا نا کمک اٹ قومی کہول آ جنسی بیدادی نا ڈوہدار تا رجسٹراس تیار کننگک۔ آرڈیننس نا رداٹ جنسی بیدادی نا زہمی تا شناخت ءِ پاش کننگ آ پابندی و سزانا قابل ڈوہ گوندانے۔