اسلام آباد۔ 15 دسمبر(اے پی پی) بنجائی وزیر داخلہ شیخ رشید احمد پارینے کہ سعودی عرب اٹی کفالت نا بابت پوسکن آ لیبر کانود آن پاکستانی خواری کش آتے فائدہ مریک، پوسکن آ کانود آن سعودی عرب اٹی روزگار نا پوسکن ءُ وارخواہی ودی مریک۔ داخیال آتا درشانی ءِاو پاکستان اٹ سعودی عرب نا سفیر نواف سعید المالکی تون گپ وتران کرسا کرے ہرا سے شنبے نادے آ داڑے اوڑتون اوڑدہی کرے۔ اوڑدہی ٹی پاکستان، سعودی عرب تعلقداری، سعودیہ ٹی پاکستانی بندی تا زوت یلہ کننگ آ گپ وتران کننگا۔ اوڑدہی ٹی شیخ رشید پارے کہ سعودی عرب اٹ کفالت نا بابت پوسکن آ لیبر کانود آن پاکستانی خواری کش آتے فائدہ مریک۔ پوسکن آ کانود آن سعودی عرب اٹ روزگار نا پوسکن ءُ وارخواہی ودی مریک۔ اوپارے کہ بندی و ہڷ و تس انا بابت معاہدہ ءِ زوت حتمی دروشم اس تننگ کن کوشست آتے ترند کننگ نا گرج ءِ۔ انسداد منشیات نا بابت پاکستان و سعودی عرب نا نیام اٹ معاہدہ ءِ ہم زوت پورو کننگے۔ وزیر داخلہ پارے کہ پاکستان و سعودی عرب نا نیام اٹ تعلقداری تین پہ تینی ایلمی و مہرومریبت آٹی ءِ۔ سعودی سفیر شیخ رشید احمد ءِ وزارت داخلہ ناچارج ءِ سنبھالنگ آ مبارکبادی تس۔ شیخ رشید احمد خادمین حرمین شریفین کن نیک است خواہی نا درشانی ءِ کرے۔ اوڑدہی ٹی سیکرٹری داخلہ یوسف نسیم کھوکھر ہم ساڑی ئسک۔
