جعفر آباد۔ 15 دسمبر (اے پی پی) چیئرمین سینیٹ محمد صادق سنجرانی مسکوہی وزیراعظم پاکستان میر ظفراللہ خان جمالی نا کزیت آ ہڑزخواہی کن سے شنبے نادے آ اونا باوہ پیرہ ئی آ ہنکین آ ہنا۔ وزیراعلیٰ پنجاب عثمان بزدار ہم چیئرمین سینیٹ تون اوار ئس۔ چیئرمین سینیٹ ایماندار میر ظفراللہ خان جمالی نا خاہوت تون ہڑزخواہی کرے۔ داوخت آ چیئرمین سینیٹ ایماندار نا بخشش و خاہوت نا صبر کن اللہ تبارک و تعالیٰ آن دعا کرے۔ چیئرمین سینیٹ پارے کہ مسکوہی وزیراعظم نا سیاسی و راجی خذمت آتے مدام یات تخنگک۔ میر ظفراللہ خان جمالی صوبہ بلوچستان نا اسہ گیچن ءُ توار اس ئس۔ میر ظفراللہ خان جمالی اصول آتا سیاست کرے۔ اوپارے کہ میر ظفراللہ جمالی نا کمتی محسوس مرسا کیک۔ ملک اٹ جمہوریت نا مون آ دننگ کن اونا خذمت آک سفت نا قابل ءُ۔
