اسلام آباد۔ 15 دسمبر (اے پی پی) داوخت ملک اٹی کورونا نا مثبت کیس آتا کچ 7.12 درسد ءِ۔ نیشنل کمانڈ اینڈ آپریشن سینٹر(این سی او سی) نا کنڈآن سے شنبے نادے آ جاری کروک حساب وکتاب نا رداٹ غٹ آن زیات کورونا کیس آتا مثبت کچ حیدر آباد اٹی 22.45 درسد ئس، اوکان پد کراچی ٹی 19.89درسد اوکان پد پشاور اٹی 19.89درسد ئس۔ مچ آ ملک اٹی 2 ہزار 495کورونا ناجوڑ آتا حالیت نازرک ءِ و نازرک حالیت والا ناجوڑ آتا کچ ترندی اٹ ودنگ ءِ۔ چندی بنجائی اکائی تیٹی کورونا نا مثبت کیس آتا کچ انا لحاظ اٹ آزاد جموں کشمیر اٹی 9.4 درسد، بلوچستان اٹی 14.2 درسد، گلگت بلتستان اٹی 0.5 درسد، اسلام آباد اٹی 4.03درسد، خیبرپختونخوا ٹی 7.2درسد، پنجاب اٹی 3.8 درسد و سندھ اٹی 14.9 درسد ئس۔ ہنداوڑاٹ صوبہ غاتا چندی شار تیٹی کورونا کیس آتا مثبت کچ انا لحاظ اٹ پنجاب اٹی لاہور4.16 درسد، راولپنڈی۔ 7.71درسد، فیصل آباد1.62درسد، ملتان 4.08درسد، سندھ انا شار ہرافتے ٹی کراچی 19.89درسد، حیدر آباد 22.45 درسد ئس۔ ہنداوڑاٹ خیبرپختونخوانا شار پشاور 19.04درسد، سوات2.74درسد، ایبٹ آباد 13.33درسد، بلوچستان نا شار کوئٹہ ٹی 5.06درسد کچ ئس۔ بنجائی دارالحکومت اٹی 4.30درسد، آزاد کشمیر نا شار تیٹی میر پور 18.48درسد، مظفر آباد 1.67درسد۔ ہنداوڑاٹ مچ آ دنیا ٹی مروک آ مرک آتیانبار ملک اٹی مروک آ مرک آتا کچ 8 ہزار 905 ءِ ہراکہ مچ آ دنیا ٹی مروک آ مرک آتا 2.23 درسد کچ انا مقابلہ ٹی 2 درسد ءِ۔ ملک اٹی مروک آ مرک آتیان 70 درسد نرینہ زوال کریر و زوال کروک آتیان 77.5 دسد بندغ ہموفک ئسر ہرافتا وئی 50 سال آن زیات ئس۔ زوال کروک آتیان 73 درسد بندغ چندی ناجوڑی تیٹی اختہ ئسر و زوال کروک آ بندغ آتیان 91 درسد ہسپتال آتیٹی درمان مسرہ وخت اس کہ 58 درسد ناجوڑ وینٹی لیٹر آتیا درمان اٹی زوال کریر۔
