اسلام آباد۔ 15 دسمبر (اے پی پی) بنجائی وزیر حوالکاری و شینکاری سینیٹر شبلی فراز پارینے کہ مریم نواز نا میڈیا غا دوبہ خلنگ و دھڑکوک داپک کریر کہ اونا آجوسلاہ درشانی نا دعواک سٹی ءُ ہیت ءُ ۔ اودے ہمو میڈیا جوان لگک ہرااوڑکن شئیر خلے، اونا باوہ نا دورحکومت اٹ قوم اسہ اخبار نا منہ پنہ غاتیا بننگ ءِ داسکان گیرام کتنے۔ سے شنبے نادے آ بنجائی وزیر سینیٹر شبلی فراز تینا ٹویٹ اٹی پارے کہ پاکستان تحریک انصاف نا حکومت آجوئی درشانی نا بنداوی، آئینی و جمہوری حق آ پورو یخین تخک، نن میڈیا تون سلوک اُن و آجوئی صحافت ءِ لپی مننگ کن الیپنہ۔
