اسلام آباد۔ 15 دسمبر (اے پی پی) محکمہ موسمیات نا رداٹ بروک آ 24 گھنٹہ ٹی بڑزکو خیبرپختونخوا، کشمیر و گلگت بلتستان اٹی گڑاس ہند آتیا پڑی پُڑی پِر و مش تیا زرس برف انا گمان ءِ وخت اس کہ قطبی علاقہ جات و قطبی بلوچستان اٹی موسم پین یخ مریک۔ داٹی پنجاب نا میدانی علاقہ و بڑزکو سندھ اٹی سہب و شام انا وخت آتیٹی گوتلو مننگ نا گمان ءِ۔ رپورٹ نا رداٹ تدوک آ 24 گھنٹہ ٹی ملک انا گیشتر علاقہ غاتیٹی موسم خشک و یخ ئس ولے بڑزکو خیبرپختونخوا و کشمیر اٹی پِر مس داٹی پاراچنار اٹی 4 ملی میٹر، میر کھانی 3، چیراٹ، دروش و پشاور اٹی اسہ ملی میٹر پِر ریکارڈ کننگا۔ سے شنبے نادے آ ریکارڈ کروک آ کم آن کم درجہ حرارت نا رپورٹ نا رداٹ قلات اٹی درجہ حرارت منفی 11 ڈگری سینٹی گریڈ، لہہ، کوئٹہ منفی 9، اسکردو، کالام منفی 7، استور، مالم جبہ، پاراچنارمنفی 6، گوپس، بگروٹ منفی 5، گگلت، دالبندین منفی 4، ہنزہ، ژوب و مری ٹی منفی 3 ڈگری سیںٹی گریڈ ریکارڈ کننگانے۔
