اسلام آباد۔ 15 دسمبر (اے پی پی) چین پاکستان اقتصادی راہداری ڈٹ انا رداٹ خصوصی اقتصادی زون رشکئی آن بنائی ریسہ ٹی 50 ہزار آن زیات مخلوق ءِ روزگار نا وارخواہی دوبریک۔ زرکاری بورڈ انا کمامدارآتارداٹ خیبرپختونخوا نا ضلع نوشہرہ ٹی رشکئی اقتصادی زون آ کاریم ترندی اٹ برجاءِ،رشکئی اقتصادی زون (ایم ون نوشہرہ) کن 2000 ایکڑ ڈغار دوئی کننگانے و صنعتی بستی نا جوڑ کننگ کن گام گیج آتا چرجوئی ترندی اٹ برجاءِ۔ وزیراعظم عمران خان ساڑی ہی ٹی خیبرپختونخوا نا اہم اولیتی رشکئی خصوصی اقتصادی علاقہ نا شونداری معاہدہ تون اوار ہر چار آ صوبہ غاتیٹی 10 خصوصی اقتصادی علاقہ غاتا جوڑ کننگ نا منظوری ءِ تسوسس۔ ہراڑآن ہندی مخلوق کن روزگار نا وارخواہی ودی مریک۔ داڑتون اوار اوار خصوصی اقتصادی علاقہ غاتیا عملدرآمد اٹی ترندی اتنگ کن وزیراعظم تعلقدار کمامدار آتے صوبائی حکومت آتون کمک فراوان کننگ نا پارت کرینے و زرکار آتا آسراتی کن اسپیشل اکنامک زون ورکنگ پڑک اس ٹہیفنگ نا ہم پرمان کرے۔
