اسلام آباد۔14دسمبر (اے پی پی): بنجاھی وزیر ھزانگ ڈاکٹر عبدالحفیظ شیخ ءَ المیگیں سامان آنی نیاد آنی سر ءَ نگاہ ایر کنگ ءِ پد ءَ ، محکمہ ءُ صوبائےی حکومت آنی توسیپ کنان ءَ صوبائی حکومت آنی سر ءَ زور پر دات کہ آ لوٹ ءُ رسگ ءَ تہ ءَ جھلگ ءُ برزئی آناں کم کنان ءَ مرگ ءِ نیاد آنی سر ءَ ترندی ءَ گوں نگاہ ایر بکنت ءُ ایشی کمی ءِ واستہ جوانیں رنگ ءَ پجاری ءِ واستہ گامگیج چست بکنت۔ وزیر ءِ ھزانگ ءَ یوٹیلیٹی سٹورز کارپوریشن ءَ را گندم ءِ پجاری ءِ منظوری ھم دات ایشی ءَ چہ یک شلیں منظوری وزارت ءِ راجی وردن ءُ وراک ءُ رکھینوک ءِ نیمگ ءَ ای سی سی ءِ آیوکیں دیوان ءَ سمری پیش کنگ ءَ چہ پد دیگ بیت۔ آئی ءَ اے پنت ءُ شون دو شمبے ءَ نگرانی ءِ واستہ جوڑی کتگیں کمیٹی ُاین پی ایم ) ءِ دیوان ءَ جاڑی کت۔ راجی پرائس مانیٹرنگ ءِ دیوان دو شمبے ءَ ادا بنجاھی وزیر ھزانگ ڈاکٹر عبدالحفیظ شیخ ءِ سروکی ءَ برجم دارگ بوت۔ دیوان ءِ تہ ءَ بنجاھی وزیر صنعت ءُ پیداوار حماد اظہر، مزن وزیر ءِ ھاسیں کمکار برائے کٹ ڈساکٹ وقار مسعود، سیکرٹری وزارت راجی وردن ءُ وراک ءِ رکھینوک ءُ پٹ ءُ پول، سیکرٹری صنعت ءُ پیداوار ، صوبائی چیف سیکرٹریز، یونیلیٹی سٹور کارپوریشن آف پاکستان ءِ منیجنگ ڈائریکٹر، اسلام آبادکیپٹل ٹیریٹری، پاکستان بیوروبرائے شماریات، ٹریڈ ڈیولپمنٹ کارپوریش ءِ نماھندگ ءُ وزارت ءِ ھزانگ ءِ کلانہ ایں اپسرگ آں بھر زوری کت۔
