اسلام آباد۔14دسمبر (اے پی پی): بنجاھی وزیر توکی کار شیخ رشید احمد ءَ اپوزیشن ءَ را پیشوکی گوشت کہ آ استعفا دیگ ءُ لانگ مارچ کنگ لوٹ ایت گڈا فروری ءِ ودار ءَ مکن انت انوگ بکن انت۔ ھمک رنگیں گپ ءُ تران کنگ ءِ واستہ تیار آں بلے این آر او نہ دیاں، زیک اپوزیشن ءِ راستیں لکا دیم ءَ سہرا بوتگ، پی ڈی ایم ءَ مینار پاکستان مچی ءَ چہ وتی سیاست ءَ را وت کنڈ کتگ، ٹوھیں بٹاک جنگ، سپر بٹا سپر دیم ءَ سہرا بوتگ، نواز شریف ءَ را تل پچیں رنگ ءَ گوشگ لوٹاں کہ باز بوتگ نوں بس بکن، مارا رکھینگی قربانی ءُ کرد آنی سر ءَ پھر انت۔ دو شمبے ءَ وزارت ءِ توکی کار ءَ وتی وزارت ءِ قلمدان ءِ سیٹ ءِ گرگ ءَ چہ پد پریس کانفرنس ءَ گوں گشتانک دیان ءَ کت، وزیر ءِ توکی کار شیخ رشید احمد ءَ گوشت کہ سی پیک ءُ چین ءَ ھوار جتا جتائیں ملک آنی سرمایہ کار آناں ملک ءِ سرمایہ کار آناں ملک ءَ سرمایہ کاری ءِ واستہ ویزہ آنی رد ءَ کنسیشن دیگ بیت، وزارت ءِ توکی کار ءَ ڈن ملک ءَ جیل آنی تہ ءَ استیں کودکیں کیزی آناں واتر ی ءَ آرگ ءِ کوشست کنت انت۔ پاسپورٹ ءُ آئی ڈی کارڈ ءُ امیگریشن ءِ نظام ءَ را گہتر کنگ بیت۔ وزارت ءِ توکی کار ءَ سوشل میڈیا ونگ جوڑ کنگ بیت ایشی ءِ اندر ءَ ایم پی ون ءُ ایم پی ٹو ءَ ھوار جتا جتائیں پوسٹ آنی سر ءَ بھرتی ءِ واستہ اشتہار دیگ بیت۔ آئی ءَ گوشت کہ اسلام آباد ءَ ایمنی ءُ برجائی ءُ پولیس ءِ جاور ھال ءُ نیکٹا ءَ ھوار جتا جتائیں ادارگ آناں گہتر جوڑ کنگ بیت۔ وزیر ءِ توکی کار ءَ پی ڈی ایم اے ءِ گوستگیں روچ ءَ لاہور ءَ مچی ءِ ھوالگ ءَ ھیال آنی درشانی کنان ءَ گوشت کہ پی ڈی ایم ءَ زیک وتی سیاست ءَ را وت کنڈ کتگ۔ وت آواں ایشی جنازہ کشتگ۔ ٹوھ ٹوھیں بٹاک جنوک آناں سپر بٹا سپر رستگ۔ آئی ءَ گوشت کہ اپوزیشن گل آں استعفا دیگ ءُ لانگ مارچ ءِ جار جتگ ، آئی ءَ گوشت کہ من گوشگ لوٹاں کہ آ وتی اے شوک ءَ زوت پیلو بکن انت بلے فروری ءِ ودار ءَ مکن ات ، انوں اے کار ءَ بکن ات۔
