اسلام آباد۔14دسمبر (اے پی پی): مزن وزیر عمران خان ءَ گوں ھاسیں کمکار برائے گریبی ءِ ھلاس کنوک ءُ گہبودی رکھینوک ڈاکٹر ثانیہ نشتر ءُ کنٹری ڈاسئریکٹر ولڈ بنک جاجے بینحاسائین ءَ گند ءُ نند کت۔ گند ءُ نند ءَ مزن وزیر ءِ احساس پروگرام ءَ ورلڈ بنک ءِ کمک پیسر ءَ چہ گیش ودینگ ءِ ھوالگ ءَ سرپد کنگ بوت ، اے پروگرام ءَ را گیش ودینان ءَ گیشتر گریب ءُ بزگر آناں گہبودی رکھینگ ءَ را دل یکیمی جوڑ کنت۔ ورلڈ بنک ءِ کنٹری ڈائریکٹر ءَ احساس پروگرام ءِ چاگردی رکھینگ ءِ فلیگ شپ پروگرام نامینان ءَ ایشرا گیش ملک آنی واستہ نمونگ نامینت۔ مزن وزیر ءِ ھاسیں کمکار ڈاکٹر ثانیہ نشتر ءَ را احساس پروگرام ءِ شاھیگان کنگ ءِ واستہ ٹوھیں گامگیج رد ءُ بند کنگ ءِ پنت ءُ شون کت۔ مسٹر جاجے بینحاسائین ءَ مزن وزیر ءَ را موسمی مٹ ءُ بدلی آنی ھوالگ ءَ چست کتگیں گامگیج آناں ساڑات ءُ پاکستان ءِ اشکر ءِ مٹ ءَ ایٹماسپئر دوستیں رسانک در آں چہ توان ءِ جوڑ کنگ ءِ ھوالگ ءَ توسیت کت ءُ ا ے پڑے دیم ءَ سہرا بوھوکیں ایٹماسپئر ءِ مٹ ءُ بدلی ءِ ءِ ھرابیں رند ءُ پد آنی گر ءُ دار ءِ واستہ سک باز المیگیں گامگیج نامینت انت۔
