اسلام آباد۔ 14 دسمبر (اے پی پی) بنجائی وزیر حوالکاری و شینکاری سینیٹر شبلی فراز پارینے کہ دا دانگ مسر نئے اینگ، دا بیرہ خوار مسر، لاہور نا جلسہ اسہ فلاپ شواس ئس۔ دوشنبے نادے آ تینا اسہ ٹویٹ اسے ٹی او پارے کہ الس اپوزیشن ءِ اونا بیانیہ تون اوار مسترد کرینے۔ لاہور وپنجاب نا شاری تا بشخ ہلپننگ نا سوب آن پی ڈی ایم نا راہشون تا مونک ہروئی ئسر۔ اوپارے کہ ہرافتا پلوآک جتا مریر اوفتا مزل اسٹ مننگ کپک۔ اوپارے کہ گوجرانوالہ جلسہ ٹی پاک فوج انا برخلاف زیار تالان کننگا۔ سینیٹر شبلی فراز پارے کہ کراچی جلسہ ٹی قائد نا مزار نا بے حرمتی ءِ کننگانے۔ بنجائی وزیر حوالکاری پارے کہ کوئٹہ جلسہ ٹی پاکستان ءِ پرغنگ نا کلہو تننگا وخت اس کہ لاہور نا جلسہ ٹی لاہوری تے غدار پاننگا۔
