لاہور۔ 13 دسمبر (اے پی پی) وزیراعلیٰ پنجاب نا خصوصی کمکار حوالکاری فردوس عاشق اعوان تینا بیان اٹی پارینے کہ پی ڈی ایم نا 11 جماعت آتا اوار مننگ کورونا دین اٹی ودکی خواہک، غیر فطری سیوت منی لانڈرنگ نا دولت ءِ بچفنگ کن گھٹیا حرکت کننگ ءُ، داٹولہ نا قسمت اٹ ہوغنگ لکھوک ءِ۔ اوپارے کہ 24 گھنٹہ ٹی پنجاب اٹی 31 ناجوڑ کورونا آن زوال کریر، کورونا نا پوسکن آ ناجوڑ آتا کچ 686 ءِ، لاہور اٹی ناجوڑ آتا کچ کم و ود 62 ہزار 85 مسنے، پنجاب اٹی کورونا ناجوڑ آتا کچ اسہ لکھ 27 ہزار 212 اسکان سرمسنے، پنجاب اٹی داتم اسکان 3351ناجوڑ کورونا نا سوب آن تینا جان تیادوتے سلانو، اوپارے کہ راج کماری، شہزادہ، مولانا و اونا حواری تا منفی سیاست نا جنازہ پیش تمانے۔
