اسلام آباد۔ 13 دسمبر (اے پی پی) بنجائی وزیر حوالکاری و شینکاری سینیٹر شبلی فراز پارینے کہ قوم پاکستان ڈیموکریٹک موومنٹ(پی ڈی ایم) نا لاہور اٹی جند انا فائدہ غاتے رکھ تننگ کن اڈتروک آ جلسہ ءِ مسترد کرینے۔ اپوزیشن تون آخبت اٹ لس بندغ نا ویل آتا ایسری کن ہچ ءُ حکمت عملی اس اف۔ یک شنبے نادے آ نجی ٹی وی چینل تون گپ وتران کرسا پی ڈی ایم نا کنڈآن اڈتروک آ لاہور جلسہ غا بھاز گڑتی نا درشانی ءِ کرسا پارے کہ یانزدہ سیاسی جماعت الس نا جون تیکن بھلو خطرہ اسے ءُ دُن کہ ملک اٹی کورونا کیس آتیٹی پدریسہ ودکی مننگ ءِ۔ اوپارے کہ اپوزیشن نا جلسہ غاتا پداٹ ہچ ءُ السی ایجنڈا اس اف ہنداخاطرآن اوفتے بےمسخت مشن اٹ بے سہبی تون مون تروئی تمنگ ءِ۔
