اپوزیشن نا جلسہ غاتیان کورونا ودنگ ءِ، وزیراعلیٰ پنجاب سردار عثمان بزدار

لاہور۔ 13 دسمبر (اے پی پی) وزیراعلیٰ پنجاب سردار عثمان بزدار پارینے کہ اپوزیشن نا منفی سیاست آ افسوز ءِ، اپوزیشن نا انتشار نا سیاست ءِ قوم مسترد کیک، بدبختی اٹ اپوزیشن نا 11 جماعت آک کورونا دین ءِ ہم پارٹنر کرینو، اپوزیشن کورونا دینءِ ترندی اٹ تالان کننگ نا سوب مننگ ءِ، وزیراعلیٰ عثمان بزدار تینا بیان اٹی پارے کہ اسہ کنڈآ کورونا غان ہسپتال آک پُر مننگ ءُ، مرک آتیٹی ودکی مننگ ءِ تو ایلو کنڈآ اپوزیشن ءِ تینا منفی ایجنڈانا پوروی نا فکر ءِ۔ اپوزیشن تینا کرپشن نا دین آن بچنگ کن قوم ءِ کورونا دین انا گواچی کننگ ءِ، اپوزیشن نا جلسہ غاتا ہچ ءُ ایجنڈا اس اف ، اپوزیشن بیرہ تینا کرپشن نا کیس آتا فائل آتے بندکرفنگ خواہک۔ اوپارے کہ اپوزیشن جوان چائے دا جلسہ غاتیان کورونا تو ودنگ کیک اپوزیشن نا این آر او نا خواہش پورو مننگ کپک۔