بیست ءُ چار گھنٹہ ٹی کورونا نا 3 ہزار 369کیس رپورٹ، 72 بندغ زوال کریر، این سی او سی

اسلام آباد۔ 13 دسمبر (اے پی پی) تدوک آ بیست ءُ چار گھنٹہ ٹی پنجاب اٹی غٹ آن زیات مرک ریکارڈ کننگا اوکان پد ارٹ میکو نمبر آ زیات مرک سندھ اٹی۔ تدوک آ بیست ءُ چارگھنٹہ ٹی مروک آ 72 مرک آن 42 مرک وینٹی لیٹر آتیا ساڑی ناجوڑ آتا مس۔ یک شنبے نادے آ نیشنل کمانڈاینڈ کنٹرول سینٹر(این سی او سی) نا کنڈآن جاری کروک حساب وکتاب نا رداٹ تدوک آ بیست ءُ چار گھنٹہ ٹی پنجاب اٹی غٹ آن زیات مرک ریکارڈ کننگا اوکان پد ارٹمیکونمبر آ سندھ اٹی مس۔ تدوک آ بیست ءُ چارگھنٹہ ٹی مروک آ 72 مرک آن 42 مرک وینٹی لیٹر آتیا ساڑی ناجوڑ آتا مس۔ این سی او سی آن جاری کروک حساب وکتاب نارداٹ تدوک ا 24 گھنٹہ ٹی کورونا نا 3 ہزار 369 ناجوڑ آتا ٹیسٹ مثبت بس و 72 بندغ دا دین آن زوال کریر ہرافتیان 67 بندغ ہسپتال آتیٹی وخت اس کہ 5 بندغ اُراتیٹی قرنطینہ ٹی دا دین آن زوال کریر۔ ملک انا 4 بھلا شار تیٹی وینٹی لیٹر آ کورونا نا ناجوڑ آتا کچ انا لحاظ اٹ ملتان اٹی 58 درسد، اسلام آباد اٹی 52 درسد، لاہور اٹی 37 درسد، پشاور اٹی 28 درسد ناجوڑ ءُ۔ ہنداوڑاٹ ملک انا 4 بھلا شار تیٹی آکسیجن نا آسراتی والا کٹ آتیا اسلام آباد اٹی 45 درسد، ملتان اٹی 50 درسد، راولپنڈی ٹی 56 درسد و پشاور اٹی 63 درسد کورونا نا ناجوڑ ءُ۔ تدوک آ 24 گھنٹہ ٹی کوویڈ۔ 19 نا 42 ہزار 222 ٹیسٹ کننگا ہرافتیان سندھ اٹی 13 ہزار 393، پنجاب اٹی 15 ہزار 637، خیبرپختونخوا ٹی 5 ہزار 891، اسلام آباد اٹی 5 ہزار 965، بلوچستان اٹی 441، گلگت بلتستان اٹی 405، آزاد کشمیر اٹی 490 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 3 لکھ 83 ہزار مسنے۔ بلوچستان و گلگت بلتستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف وخت اس کہ مچ آ ملک اٹی کورونا کوویڈ۔ 19 کن جتا وینٹی لیٹر آتیا 353 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 46 ہزار 629ءِ۔ مچ آ ملک اٹی کورونا دین آن زہمی بندغ آتا کچ 4 لکھ 38 ہزار 425ءِ ہرافتیان آزاد کشمیر اٹی 7 ہزار 663، بلوچستان اٹی 17 ہزار 737، گلگت بلتستان اٹی 4 ہزار 783، اسلام آباد اٹی 34 ہزار 579، خیبرپختونخوا ٹی 52 ہزار 92، پنجاب اٹی 1 لکھ 27 ہزار 212و سندھ اٹی 1 لکھ 94 ہزار 359ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 8 ہزار 796ءِ ہرافتیان سندھ اٹی 3 ہزار 149 مرک وخت اس کہ تدوک آ بیست ءُ چار گھنٹہ ٹی 16 ناجوڑ ہسپتال آتیٹی وخت اس کہ 1ناجوڑ اس اُراٹی قرنطینہ ٹی دادین آن زوال کرے۔ پنجاب اٹی 3 ہزار 351 مرک وخت اس کہ تدوک آ بیست ءُ چار گھنٹہ ٹی 27 ناجوڑ ہسپتال اٹی وخت اس کہ 4 ناجوڑ اُراٹی قرنطینہ ٹی دا دین آن زوال کریر، خیبرپختونخوا ٹی 1 ہزار 463 وخت اس کہ تدوک آ بیست ءُ چار گھنٹہ ٹی8 ناجوڑ ہسپتال آتیٹی دا دین آن زوال کریر۔ اسلام آباد اٹی کل 368 مرک وخت اس کہ تدوک آ بیست ءُ چارگھنٹہ ٹی 10 ناجوڑ ہسپتال آتیٹی دا دین آن زوال کریر، بلوچستان اٹی 175 مرک وخت اس کہ بیست ءُ چار گھنٹہ ٹی 2 ناجوڑ ہسپتال آتیٹی دا دین آن زوال کریر۔