ملک اٹی کورونا نا مثبت کیس آتا کچ 7.98 درسد ءِ، این سی او سی

اسلام آباد۔ 13 دسمبر (اے پی پی) کورونا نا توننگ نا بارواٹی جوڑ نیشنل کمانڈ اینڈ آپریشن سینٹر (این سی او سی) پارینے کہ داوخت آ ملک اٹی کورونا نا مثبت کیس آتا کچ 7.98 درسد ءِ۔ یک شنبے نادے آ این سی او سی نا کنڈآن جاری کروک حساب وکتاب نا رداٹ غٹ آن زیات کورونا کیس مثبت بننگ نا کچ کراچی ٹی 18.92 درسد مون آ بسنے۔ اوکان پد پشاور اٹی 18.08درسد و حیدر آباد اٹی 15.26 درسد ئس۔ پنجاب نا شار لاہور و راولپنڈی ٹی مثبت کیس آتا کچ ترندی اٹ ودنگ ءِ۔ مچ آ ملک اٹی 2 ہزار 471 کورونا ناجوڑ آتا حالیت نازرک ءِ و نازرک حالیت والا ناجوڑ آتا کچ ترندی اٹ ودنگ ءِ۔ چندی بنجائی اکائی تیٹی کورونا نا کیس مثبت بننگ نا کچ انا لحاظ اٹ آزاد جموں کشمیر اٹی 8.78درسد، بلوچستان اٹی 9.30 درسد، گلگت بلتستان اٹی 1.98درسد، اسلام آباد اٹی 4.68درسد، خیبرپختونخوا ٹی 11.68درسد،پنجاب اٹی 4.39 درسد و سندھ اٹی 12.13 درسد ئس۔ ہنداوڑاٹ صوبہ غاتا چندی شارتیٹی کورونا کیس آتا مثبت کچ انا لحاظ اٹ پنجاب اٹی لاہور 5.61درسد، راولپنڈی 8.19درسد، فیصل آباد 2.93درسد، ملتان 2.50 درسد، سندھ انا شار ہرافتے ٹی کراچی 18.92درسد، حیدرآباد 15.26درسد ئس۔ ہنداوڑاٹ خیبرپختونخوا نا شار پشاور 18.08درسد، سوات 6.82 فیصد،ایبٹ آباد 9.86 فیصد۔بلوچستان نا شار کوئٹہ ٹی 4.80 درسد کچ ئس۔ ۔بنجائی دارالحکومت اٹی 4.68 درسد۔آزاد کشمیر نا شار تیٹی میرپور 8.98 درسد،مظفرآباد 8.33 درسد۔گلگت بلتستان نا شار تیان گلگت اٹی 5.71 درسد کچ مون آ بس ۔ہنداوڑاٹ مچ آ دنیا ٹی مروک آمرک آتیانبار ملک اٹی مروک آ مرک آتا کچ 8 ہزار 796 ءِ ہراکہ مچ آ دنیا ٹی مروک آتا 2.23 درسد کچ انا مقابلہ ٹی 2 درسد ءِ ملک اٹی مروک آ مرک آتیان 71 درسد نرینہ زوال کریرہرافتا وئی 61 سال اسکان ءِ و زوال کروک آتیان 76 درسد بندغ آک ہموئسر ہرافتا وئی 50 سال آن زیات ئسر۔ زوال کروک آتیان 72 درسد بندغ چندی ناجوڑی تیٹی اختہ ئسر و زوال کروک آ بندغ آتیان 91 درسد ہسپتال آتیٹی درمان مسرہ وخت اس کہ 58 درسد ناجوڑ وینٹی لیٹر آتیا درمان اٹی زوال کریر۔